سروسز کی بندش کے باعث مارک زکربرگ کو اربوں ورپے کا نقصان

گزشتہ روز چند گھنٹے فیس بک، انسٹاگرام اور میسنجر کی سروسز بند رہیں تھیں جس کے باعث  مارک زکربرگ کو اربوں ورپے کا نقصان برداشت کرنا پڑا ہے۔

رپورٹس کے مطابق فیس بک کو اسٹاک مارکیٹ میں 50 ارب ڈالر کا بڑا نقصان ہوا ہے جبکہ زکربرگ کو چند گھنٹوں میں فیس بک ڈاؤن ہونے سے 6 ارب ڈالر کا نقصان ہوا ہے۔

حالیہ نقصان کے باعث مارک زکر برگ کے اثاثوں کی مالیت 116 ارب 30 کروڑ ڈالر رہ گئی ہے اور وہ دنیا کے پانچویں امیر ترین شخص سے ایک درجہ تنزلی کے بعد چھٹے نمبر پر آگئے ہیں۔

دوسری جانب فیس بک کمپنی کو بھی شیئرز مارکیٹ میں بڑے نقصان کا سامنا ہے اسٹاک مارکیٹ میں اب تک فیس بک کے شیئرز کی ویلیو5.41 فیصد تک کم ہوچکی ہے۔

بریک ڈاؤن کے بعد سے فیس بک کے ایک شیئر کی قیمت  میں 18.67 ڈالر کی کمی آئی ہے اور یہ 324.45 ڈالر کا رہ گیا ہے۔

خیال رہے کہ اسی دوران سوشل میڈیا پلیٹ فارم ٹوئٹر، جس کی سروسز مکمل طور پر بحال رہیں، فیس بک اور دیگر اس کی دیگر سائٹس پر ہونے والی تنقید اور طنز کا گڑھ بن گیا اور صارفین نے مذاحیہ میمز کی مدد سے بندش کے خلاف اپنے غم و غصے کا اظہار کیا ہے۔

The post سروسز کی بندش کے باعث مارک زکربرگ کو اربوں ورپے کا نقصان appeared first on .