Zeal News Pakistan First Complete Media Group
کراچی کے علاقے غوثیہ پی آئی بی کالونی کے قریب فائرنگ ہوئی ہے جس کے نتیجے میں 2 افراد جاں بحق ہوگئے ہیں۔
تفصیلات کے مطابق پی آئی بی کالونی میں نامعلوم ملزمان کی فائرنگ سے جاں بحق ہونے والے 2 افراد کو ایمبولینس کے ذریعے جناح ہسپتال روانہ کردیا گیا ہے، جاں بحق افراد کی شناخت 45 سالہ وحید گل اور 42 سالہ نعیم شاہ کے نام سے ہوئی ہے۔
پولیس حکام کا کہنا ہے کہ جاں بحق وحید گل پولیس اہلکار تھا جو سی آئی صدر میں تعینات تھا جبکہ جاں بحق نعیم شاہ مقتول اہلکار کا دوست ہے، وحید اپنے دوست نعیم شاہ کے ساتھ چائے کی دکان پر بیٹھا ہوا تھا جب فائرنگ ہوئی۔
عینی شاہدین کے مطابق فائرنگ کرنے والا بھی پولیس اہلکار تھا۔
پولیس حکام کا کہنا ہے کہ فائرنگ کرنے والے پولیس اہلکار کا نام امجد ہے، امجد ماضی میں ایس ایس یو میں بھی تعینات رہا ہے، پولیس کانسٹیبل امجد نے فائرنگ کی اور فرار ہوگیا۔
ایس ایس پی ایسٹ کا کہنا ہے کہ پولیس اہلکار وحید اور نعیم کو کانسٹیبل امجد نے گولیاں مارکر قتل کیا ہے، واقعہ دشمنی کا معلوم ہوتا ہے، ملزم ماضی میں مقتول اہلکار کے ساتھ سی آئی اے صدر میں تعینات رہ چکا ہے، ملزم قتل کی واردات کے بعد فرار ہوگیا ہے، پولیس نے واقعے کی سی سی ٹی وی فوٹیجز حاصل کرلی ہے۔
The post پی آئی بی کالونی کے قریب فائرنگ، 2 افراد جاں بحق appeared first on .
