پاکستان کرکٹ بورڈ میں بڑے پیمانے پر تبدیلیاں متوقع

پاکستان کرکٹ بورڈ (پی سی بی) میں بڑے پیمانے پر تبدیلیاں متوقع ہیں۔

تفصیلات کے مطابق  عاقب جاوید کو قومی ٹیم کے ہیڈ کوچ کی پیشکش کر دی گئی ہے،معین خان کوقومی ٹیم کا منیجر بنائے جانے کا امکان ہے۔

ذرائع کے مطابق چیئرمین پی سی بی رمیز راجہ نے سابق کرکٹرعاقب جاوید کو قومی ٹیم کا ہیڈ کوچ بننے کی پیشکش کر دی تاہم عاقب جاوید نے ہیڈ کوچنگ سے انکار کیا ہے،انہیں نیشنل ہائی پرفارمنس میں عہدہ ملنے کا امکان ہے۔

 سابق کرکٹر معین خان قومی ٹیم کے مینجر بننے کا امکان ہے جبکہ سابق کرکٹر محمد اکرم کو چئیرمین سلیکشن کمیٹی لگائے جانے کا امکان ہے۔

سبحان احمد کو چیف آپریٹنگ آفیسراورموجودہ سی او او سلمان نصیر کو تبدیل کرکے ڈائریکٹر لیگل لگائے جانے کا امکان ہے۔

 رمیز راجہ نے ریجنل کوچز کو ہٹانے کا بھی فیصلہ کیا ہے، ریجنل ٹیموں کے لئے رمیز راجہ کی غیر ملکی کوچز لانے پر بھی دلچسپی بڑھنے لگی ہے۔

The post پاکستان کرکٹ بورڈ میں بڑے پیمانے پر تبدیلیاں متوقع appeared first on .