اعجاز احمد کی بھارت کیخلاف یادگار اننگ کو 24سال ہوگئے

قومی کرکٹ ٹیم کے سابق بیٹسمین اعجاز احمد کی بھارت کے خلاف یادگار اننگ کو 24 سال ہو گئے ہیں۔

تفصیلات کے مطابق آج سے24 برس پہلے پاکستان کرکٹ ٹیم کے سابق کھلاڑی اعجاز احمد نے بھارت کے خلاف ایک یادگار اننگز کھیلی تھی،اعجاز احمد نے پاکستان کرکٹ ٹیم کو بھارت کے خلاف میچ کے ساتھ ساتھ سیریز میں کامیابی دلوائی تھی۔

1997 میں ون ڈے سیریز کے تیسرے اور فیصلہ کن میچ میں بھارت نے پہلے بیٹنگ کرتے ہوئے پاکستان کو جیت کے لیے 217 رنز کا ٹارگٹ دیا تھا،بظاہر ایک روزہ میچ میں یہ اسکور اتنا بڑا تو نہیں تھا مگر اس روز اعجاز احمد کے ارادے کچھ اور ہی تھے۔

 بھارت کی جانب سے دیا گیا 217 رنز کا ہدف پاکستان نے محض 26 اعشاریہ 2 اوورز میں حاصل کرلیا تھا۔

اس میچ میں اعجاز احمد نے 84 گیندوں پر 139 رنز کی شاندار ناقابل شکست اننگز کھیلی تھی، جس میں انہوں نے 10 چوکے اور 9 چھکے لگائے تھے۔

قومی ٹیم کے سابق کپتان شاہد آفریدی نے بھی اس میچ میں جارحانہ کھیل کا مظاہرہ کرتے ہوئے23 گیندوں پر47 رنز کی اننگز کھیلی تھی۔

پاکستان کرکٹ بورڈ نے اپنے ٹوئٹر اکاؤنٹ پر اس میچ کی ویڈیو شیئر کر کےاعجاز احمد کی یادگار اننگزکی یادیں تازہ کردیں۔

One memorable night for Ijaz Ahmed in Lahore!#OnThisDay in 1997, Pakistan gunned down a 217-run target in the third and final ODI against India in a mere 26.2 overs. Ijaz hit 139* off 84 balls, with ten fours and nine sixes, while @SAfridiOfficial scored 47 off just 23 balls. pic.twitter.com/6C9568TIAb

— Pakistan Cricket (@TheRealPCB) October 2, 2021

خیال رہے کہ اعجاز احمد نے 60 ٹیسٹ اور 250 ایک روزہ میچز میں پاکستان کی نمائندگی کی ہے۔

The post اعجاز احمد کی بھارت کیخلاف یادگار اننگ کو 24سال ہوگئے appeared first on .