عمر شریف صاحب، آپ کو ہمیشہ یاد رکھا جائے گا، شاہد آفریدی

پاکستان قومی کرکٹ ٹیم کے سابق کپتان شاہد آفریدی نے کہا ہے کہ عمر شریف صاحب، آپ کو ہمیشہ یاد رکھا جائے گا۔
تفصیلات کے مطابق پاکستان قومی کرکٹ ٹیم کے سابق کپتان شاہد آفریدی نے سماجی رابطے کی ویب سائٹ ٹوئٹر پر اپنے ایک پیغام میں کہا کہ عمر شریف صاحب آپ ہمیشہ سکون سے رہیں۔

Rest in peace Umar Sharif sb Thank you for your invaluable services for Pakistan and making us laugh with your eternal comedy over the years. You’ll be missed forever! pic.twitter.com/zvdoKIuCJ3

— Shahid Afridi (@SAfridiOfficial) October 2, 2021

شاہد آفریدی کا کہنا تھا کہ پاکستان کے لیے آپ کی انمول خدمات کے لیے آپ کا بہت شکریہ۔
سابق کپتان نے کہا کہ کئی سالوں سے آپ کے ابدی مزاح سے ہم لطف اندوز ہوئے ہیں۔
سابق کپتان شاہد آفریدی کا پیغام میں مزید کہنا تھا کہ آپ کو ہمیشہ کے لیے یاد کیا جائے گا۔
واضح رہے کہ پاکستان کے مایہ ناز کامیڈین عمر شریف جرمنی میں انتقال کرگئے ہیں۔
عمرشریف کو طبیعت خرابی کے باعث جرمنی منتقل کیا گیا تھا ، عمر شریف عارضہ قلب اور دیگر مختلف بیماریوں میں مبتلا تھے، وہ گزشتہ کئی ہفتوں سے کراچی کے نجی اسپتال میں زیر علاج تھے۔
یاد رہے کہ عمر شریف کو علاج کے لیے امریکی دارالحکومت واشنگٹن پہنچایا گیا تھا، جہاں معروف پاکستانی اداکارہ ریما خان کے شوہر اور ماہر امراض قلب ڈاکٹر طارق شہاب نے ان کے علاج کے لیے جارج واشنگٹن یونیورسٹی اسپتال میں انتظامات کر رکھے تھے۔
فخر پاکستان عمر شریف کی امریکا منتقلی اور اہل خانہ کے ویزوں کے لیے بھی ڈاکٹر طارق شہاب نے ہی تگ و دو کی تھی، عمر شریف کو لینے کے لیے ائیر ایمبولینس پیر کی دوپہر منیلا سے پاکستان پہنچی تھی۔
عمر شریف19 اپریل1955 کو پیدا ہوئے ،عمرشریف نے اپنے کیریئر کا آغاز1974 میں14 سال کی عمر میں اسٹیج اداکاری سے کیا تھا ، عمرشریف کو بہترین اداکار اورڈائریکٹر کا ایوارڈ1992میں دیا گیا تھا،عمرشریف کوبہترین کارکردگی پرتمغہ امتیاز سے بھی نوازا گیا تھا۔

The post عمر شریف صاحب، آپ کو ہمیشہ یاد رکھا جائے گا، شاہد آفریدی appeared first on .