عمر شریف کی میت ایئر ایمبولینس لے کر جائے گی یا نہیں فیصلہ ابھی باقی

عمر شریف کی میت ایئر ایمبولینس لے کر جائے گی یا نہیں فیصلہ ابھی باقی ہے۔
تفصیلات کے مطابق عمر شریف کی میت آج مردہ خانے منتقل کی گئی تو تمام کام پیر سے ہوں گے۔
ذرائع کا کہنا ہے کہ اسپتال کی جانب سے عمرشریف کا ڈیتھ سرٹیفکیٹ اوردیگر پیپرز بنیں گے۔ اگر کاغذات بن جاتے ہیں تو قونصل خانے کے عملے کے حوالے کیے جائیں گے۔
ذرائع کا کہنا ہے کہ اس کے بعد سفری دستاویزات بنائے جائیں گے۔
ذرائع کے مطابق فیصلہ نہیں ہو پایا ہے کہ میت ایئر ایمبولینس کمپنی لے کر جائے گی یا قونصلیٹ عملے کے حوالے کی جائے گی۔
واضح رہے کہ پاکستان کے مایہ ناز کامیڈین عمر شریف جرمنی میں انتقال کرگئے ہیں۔
عمرشریف کو طبیعت خرابی کے باعث جرمنی منتقل کیا گیا تھا ، عمر شریف عارضہ قلب اور دیگر مختلف بیماریوں میں مبتلا تھے، وہ گزشتہ کئی ہفتوں سے کراچی کے نجی اسپتال میں زیر علاج تھے۔
یاد رہے کہ عمر شریف کو علاج کے لیے امریکی دارالحکومت واشنگٹن پہنچایا گیا تھا، جہاں معروف پاکستانی اداکارہ ریما خان کے شوہر اور ماہر امراض قلب ڈاکٹر طارق شہاب نے ان کے علاج کے لیے جارج واشنگٹن یونیورسٹی اسپتال میں انتظامات کر رکھے تھے۔
فخر پاکستان عمر شریف کی امریکا منتقلی اور اہل خانہ کے ویزوں کے لیے بھی ڈاکٹر طارق شہاب نے ہی تگ و دو کی تھی، عمر شریف کو لینے کے لیے ائیر ایمبولینس پیر کی دوپہر منیلا سے پاکستان پہنچی تھی۔
عمر شریف19 اپریل1955 کو پیدا ہوئے ،عمرشریف نے اپنے کیریئر کا آغاز1974 میں14 سال کی عمر میں اسٹیج اداکاری سے کیا تھا ، عمرشریف کو بہترین اداکار اورڈائریکٹر کا ایوارڈ1992میں دیا گیا تھا،عمرشریف کوبہترین کارکردگی پرتمغہ امتیاز سے بھی نوازا گیا تھا۔

The post عمر شریف کی میت ایئر ایمبولینس لے کر جائے گی یا نہیں فیصلہ ابھی باقی appeared first on .