اداکارہ ماورا حسین آئی جی پنجاب کی خصوصی ہیلپ لائن سے پُرامید

پاکستان شوبز انڈسٹری کی اداکارہ ماورا حسین آئی جی پنجاب انعام غنی کی جانب سے خصوصی ہیلپ لائن کے آغاز سے پُرامید نظر آرہی ہیں

ماورا حسین نے اپنی انسٹااسٹوری پرآئی جی پنجاب انعام غنی کی جانب سے خصوصی ہیلپ لائن’Call 1787’کے آغاز سےمتعلق ایک پوسٹ شیئر کی ہے۔

ماورا حسین کی انسٹاگرام اسٹوری میں لکھا ہے کہ وقت کی ضرورت۔

 اداکارہ نے لکھا کہ اُمید ہے کہ یہ اتنا ہی مؤثر ہو جتنا کہ یہ دیکھنے میں لگا۔

ماورا نے مزید لکھا کہ ہمیں اس مقصد کو پورا کرنے کے لیے اس طرح کے اداروں کی اشد ضرورت ہے۔

خیال رہے کہ آئی جی پنجاب انعام غنی کی جانب سے ایمرجنسی صورتحال میں زیادتی و تشدد کا شکار ہونے والوں کے پولیس سے رابطے کے لیے خصوصی ہیلپ لائن ’Call 1787‘ کا آغاز کیا گیا ہے۔

اس حوالے سے آئی جی پنجاب نے اپنے ٹوئٹ میں لکھا تھا کہ ’کسی بھی قسم کی ناانصافی برداشت نہیں کی جائے گی اور ان سب کو تحفظ اور مدد فراہم کیا جائے گا جن کو ضرورت ہے۔

آئی جی پنجاب نے  کہا کہ کسی بھی ایسی صورتحال میں 1787 پر کال کریں ، ایسی صورت کو ذاتی طور پر میری طرف سے ترجیح دی جائے گی۔

The post اداکارہ ماورا حسین آئی جی پنجاب کی خصوصی ہیلپ لائن سے پُرامید appeared first on .