اداکارہ رابعہ بٹ کا ٹوٹے دلوں کیلئے بہترین مشورہ

پاکستانی اداکارہ رابعہ بٹ نے ٹوٹے ہوئے دلوں کو ایک  مشورہ دیا ہے جس پر اُنہیں سوشل میڈیا پر انٹرنیٹ صارفین کی جانب سے خوب سراہا جا رہا ہے۔

عید الاضحیٰ کے موقع پر اداکارہ نے ایک نجی ٹی وی چینل کے شو میں شرکت کی جس میں انہوں نے اپنی گہری باتوں سے نا صرف وہاں موجود دیگر فنکاروں کو متاثر کیا بلکہ اُن کے متاثر کُن جملے سوشل میڈیا پر خوب وائرل ہو گئے ہیں۔ جس پر مداح اُن کی دانائی کی خوب تعریفیں کر رہے ہیں۔

شو کے دوران میزبان نے سوال پوچھا کہ ٹوٹے ہوئے دلوں کے لئے آپ کا کیا مشورہ  ہے؟

جس کا جواب دیتے ہوئے رابعہ بٹ نے کہا کہ اس درد کے بعد خدا کس چیز سے نوازنے والا ہے ٹوٹے ہوئے دلوں کو اس کا اندازہ ہی نہیں، خدا جب آپ سے کچھ لیتا ہے تو اُس کے بدلے میں لازماً آپ کو بہت کچھ دیتا ہے کبھی یا تو سبق کی صورت میں یا دنیاوی کسی شے کی صورت میں لیکن  آپ کو اجر ملتا ضرور ہے ۔

انہوں نے مزید کہا کہ ٹوٹے ہوئے دل کے ساتھ جو خلوص اور جو دعاؤں میں تڑپ آتی ہے وہ دل کے توٹنے کے بعد ہی آتی ہے بلکہ اس بات کی تو دعا مانگنی چاہئیے کہ مجھے تکلیف ہو کیوں کہ دل ٹوٹنے کے بعد ہی تو انسان سیدھے رستے پر چلتا ہے۔

The post اداکارہ رابعہ بٹ کا ٹوٹے دلوں کیلئے بہترین مشورہ appeared first on .