شکیرا کے مداحوں کیلئے بڑی خوشخبری

عالمی شہرت یافتہ کولمبیئن گلوکارہ شکیرا نے اپنے مداحوں کو خوش خبری سنادی ہے۔

گلوکارہ نے اپنی نئی میوزک ویڈیو ’ڈونٹ ویٹ اپ‘ریلیز کر دی جس کا اِن کے مداحوں کو کافی عرصے سے بے تابی سے انتظار تھا۔

شکیرا نے مائیکرو بلاگنگ ویب سائٹ ٹوئٹر پر اپنی میوزک ویڈیو کا یوٹیوب لنک شیئر کرتے ہوئے یہ خوشخبری سنائی ہے۔

انہوں نے اپنے ٹوئٹ میں لکھا ہے کہ ڈونٹ ویٹ اپ کی شوٹنگ کے لئے پوری رات ڈانس اور سرفنگ کرنے میں بہت مزہ آیا ان سب کا شکریہ جنہوں نے اس ویڈیو کو بنانے کے لئے بہت محنت کی۔

گلوکارہ نے مزید لکھا کہ مجھے امید ہے کہ آپ لوگ اسے دیکھ کر بھی اتنا ہی لطف اندوز ہوں گے جتنا ہم اسے بناتے ہوئے محظوظ ہوئے۔

واضح رہے کہ اس نئی میوزک ویڈیو کو یوٹیوب پر صرف 15 گھنٹوں میں 14 لاکھ 77 ہزار سے زائد لوگ دیکھ چکے ہیں۔

The post شکیرا کے مداحوں کیلئے بڑی خوشخبری appeared first on .