شرت سکسینا کا امیتابھ بچن سے متعلق اہم انکشاف

سینیئر  بھارتی اداکار شرت سکسینا کا کہنا ہے کہ  اب فلم انڈسٹری پرانوں کے بجائے نئے اداکاروں کے لئے ہے۔

میڈیا سے گفتگو کرتے ہوئے اداکار کا کہنا تھا کہ تمام اچھے لکھے گئے کردار امیتابھ بچن کو ملتے ہیں اور ان جیسے سینیئر اداکاروں کو صرف بچے کچے کردار  پیش کیے جاتے ہیں جو بالکل دلچسپ نہیں ہوتے۔

اداکار نے مزید کہا کہ پرانے اداکار ابھی زندہ ہیں اس لئے وہ کام کرنا چاہتے ہیں لیکن پیش کیے گئے کردار ایسے نہیں ہوتے جن پر کام کیا جا سکے تاہم اب فلم انڈسٹری نئے ادکاروں کے لئے ہی رہ گئی ہے۔

 

View this post on Instagram

 

A post shared by Sharat Saxena (@sharat_saxena)

انسٹاگرام پرشرت سکسینا نے تصویر پوسٹ کی جس کے کیپشن میں انہوں نے لکھا کہ اب بھی کچھ بننے کے لئے سخت محنت کررہا ہوں۔

شرت سکسینا 70  برس کی عمر میں بھی فٹ ہیں جس پر مداحوں نے ان کی تعریفوں کے پل باندھ دیے۔

خیال رہے کہ اداکار شرت سکسینا نے فلمی کیریئر کا آغاز 1970 میں معاون اداکار کی حیثیت سے کیا  جبکہ  اداکار ‘کرش، ہنسی تو پھنسی، بجرنگی بھائی جان اور شیرنی‘ سمیت متعدد بالی وڈ فلموں میں اداکاری کرچکے ہیں۔

The post شرت سکسینا کا امیتابھ بچن سے متعلق اہم انکشاف appeared first on .