چترال (زیل نمائندہ) چترال پولیس نے عید الاضحی سے دو دن قبل وادی بمبوریت کے چراگاہ سے چھینے گئے 30بکریاں دروش کے علاقے میں قائم مویشی منڈی سے برآمد کرکے ارندو کے باشندے کریم حسین ولد محمد شاہ کو ان کے دو شریک جرم ساتھیوں صاحب نادر ولد محمد زادہ ساکنہ جنجریت اور اسماعیل ولد نوروز ساکنہ ایون کو گرفتار کرلیا۔ پولیس ذرائع کے مطابق پولیس اسٹیشن بمبوریت میں 54بکریوں کے چھینے جانے کی ایف آئی آر نامعلوم ملزمان کے خلاف درج ہوئی تھی۔ ذرائع نے بتایاکہ افغان بارڈر کے قریب بکریاں چھین کر ملزمان نے یہ تاثر دینے کی کوشش کی تھی کہ واردات میں پہلے کی طرح افغانستان سے تعلق رکھنے والے لوگ ملوث ہوں گے لیکن اس دفعہ پولیس نے ارندو تک کے سرحدی علاقوں کی کڑی نگرانی کی اور معلومات کے حصول کے لیے نیٹ ورک پھیلادی جس کے نتیجے میں چھینے گئے چند بکریاں دروش میں مویشی منڈی سے برآمد ہوئے جس پر ملزم کریم حسین کی گرفتار ی عمل میں آئی جس نے ساتھیوں کے نام بھی اگل دئیے۔ ملزم کریم حسین کو مقامی عدالت کے سامنے پیش کیا گیا جہاں انہوں نے ضابطہ فوجداری کے دفعہ 164کے تحت اقرار جرم کرلیا ہے۔اس موقع پر ملزمان سے باقی بکریوں کی قیمت 2لاکھ 95ہزار روپے برآمد کرلی گئی۔ ڈی پی اولوئر چترال عبدالحئی خان نے کہا ہے کہ یہ اپنی نوعیت کا پہلی واردات تھی کہ جس میں ملزمان نے کامیابی سے دھوکہ دینے کی کوشش کی تھی کہ واردات میں افغان باشندے ملوث ہیں کیونکہ ماضی میں ایسے واقعات رونما ہوتے رہے ہیں لیکن چترال پولیس کی شبانہ روز کوششوں اور محنت کی وجہ سے اس کیس کو ایک ہفتے سے بھی کم وقت میں حل کرنے میں کامیابی ہوئی ہے۔
دیگر موضوعات میں
نگران وزیر اعظم کا دورہ ہنزہ، گلگت بلتستان بھر میں بجلی کے مسائل حل کرنے کی یقین دہانی
14 ستمبر 2023
مدک لشٹ چترال میں آعاخان یوتھ اینڈ سپورٹس بورڈ کی طرف سے موسمیاتی تبدیلی کے حوالے سے آگہی واک
2 ستمبر 2023
راکاپوشی بیس کیمپ کے قریب مقامی نوجوان نے کوہ پیما کی لاش دریافت کرتے ہوئے دہائیوں پرانے اسرار سے پردہ اٹھایا
12 اگست 2023
کھوار لوک ادب میں خواتین کے نکتہ نظر” کے موضوع پر سیمیناراور لوک گیت “لوواہ” کی تقریب رونمائی
8 اگست 2023
استاد الاساتذہ ناجی خان ناجی مرحوم کی یاد میں تعزیتی ریفرنس اور “ضرب قلم” کی تقریب رونمائی
7 اگست 2023
دریائے چترال میں طغیانی سے سیاحتی مقام ایون میں کئی گھر اور وسیع ایریا زیر آب آگئے ہیں
20 جولائی 2023
دنین لشٹ کے وی سی سی کے ممبران کا ڈی ایف او وائلڈ لائف اور صدر فیض الرحمن کی مبینہ طور پر کروڑوں روپے کے کرپشن کے خلاف احتجاج
18 جولائی 2023
پولیس ملازمین کے فلاح بہبود کے لئے ویلفر فنڈ کا اطلاق، ریجنل پولیس آفیسر کی خصوصی احکامات
17 جولائی 2023