اسلام آباد میں سرکاری افسر ریپ کے الزام میں گرفتار

اسلام آباد پولیس نے زیادتی کے الزام پر اسٹیبلشمنٹ ڈویژن کے افسر کو گرفتار کرلیا ہے۔

تفصیلات کے مطابق ایس ایس پی آپریشن ڈاکٹر سید مصطفیٰ تنویر کے مطابق شہزاد ٹاؤن تھانے میں متاثرہ خاتون کی مدعیت میں مقدمہ درج ہونے پر ملزم کو گرفتار کیا گیا ہے۔

مقدمے میں تعزیرات پاکستان کی دفعات 376 اور 342 شامل کی گئی ہیں۔

ڈاکٹر سید مصطفیٰ تنویر کا کہنا ہے کہ متاثرہ خاتون نے الزام لگایا ہے کہ انہیں ہوسٹل میں سرکاری افسر کی جانب سے مبینہ طور پر زیادتی کا نشانہ بنایا گیا جبکہ پولیس نے ملزم کو اس کی رہائش گاہ سے گرفتار کیا ہے۔

ایف آئی آر کے متن کے مطابق ملزم خاتون کا کمرا باہر سے لاک کر کے چلا گیا اور واپس آکر خاتون کو زیادتی کا نشانہ بنایا، زیادتی کے بعد ملزم نے تقریباً رات سوا 2 بجے کے قریب خاتون کو راول ڈیم چوک پر چھوڑ دیا۔

The post اسلام آباد میں سرکاری افسر ریپ کے الزام میں گرفتار appeared first on .