اداکارہ عفت عمر بڑی مشکل میں پھنس گئیں

بھارتی اداکارہ کے انتقال کی خبر پر ’واؤ‘کا کمنٹ کرنے پر اداکارہ عفت عمر مشکل کا شکار ہو گئی ہیں۔

تفصیلات کے مطابق عفت عمر کی ایک پوسٹ پر سوشل میڈیا صارف نے لکھا کہ آپ کو شرم آنی چاہیے، کسی کی موت کی خبر پر آپ ’واؤ‘کا کمنٹ کیسے کرسکتی ہیں، آپ کو مکافاتِ عمل سے ڈر نہیں لگتا۔

سوشل میڈیا صارفین کی بڑی تعداد اداکارہ کے اس کمنٹ کے باعث انہیں تنقید کا نشانہ بنارہے ہیں۔

تاہم اداکارہ عفت عمر نے بھارتی اداکارہ کی موت کی خبر پر ’واؤ‘ کا کمنٹ کرنے کی وضاحت دیتے ہوئے اپنی غلطی تسلیم کرلی ہے۔

اداکارہ نے صارف کے کمنٹ کے جواب میں لکھا کہ یہ ایک غلطی ہوگئی۔

عفت عمر نے بتایا کہ میں نے  پوسٹ پر کیپشن نہیں پڑھا تھا اور بس تصویر دیکھ کر ہی ’واؤ واؤ واؤ‘ کمنٹ کردیا تھا۔

واضح رہے کہ عفت عمر نے بالی ووڈ کی معروف و سینئر اداکارہ سریکھا سکری کی موت کی خبر پر ’واؤ‘ کمنٹ کر کے صارفین کو الجھن میں ڈال دیا تھا۔

The post اداکارہ عفت عمر بڑی مشکل میں پھنس گئیں appeared first on .