آزاد کشمیر کی کٹھ پتلی حکومت کو نہیں چلنے دیں گے، بلاول

چیئرمین پاکستان پیپلز پارٹی بلاول بھٹو زرداری نے کہا ہے کہ آزاد کشمیر کی کٹھ پتلی حکومت کو ہم نہیں چلنے دیں گے۔

تفصیلات کے مطابق چیئرمین پاکستان پیپلز پارٹی بلاول بھٹو زرداری نے اسلام آباد زرداری ہاؤس میں خطاب کرتے ہوئے کہا کہ ہم کشمیریوں کی آواز بنیں گے۔

بلاول بھٹو نے خطاب میں کہا کہ سب سے پہلے منتخب ممبرز کو مبارک باد دیتا ہوں کے دھاندلی کے باوجود یہ لوگ جیتے۔

چیئرمین پیپلز پارٹی کا کہنا تھا کہ آزاد کشمیر کے بدترین الیکشن میں ہم نے پی ٹی آئی کو ٹف ٹائم دیا ہے اور اب آزاد کشمیر کی کٹھ پتلی حکومت کو نہیں چلنے دیں گے۔ اپوزیشن جماعتوں سے رابطہ کرکے عمران خان کا مقابلہ کریں گے۔

بلاول بھٹو نے خطاب میں کہا کہ ہم کشمیر کی عوام کی آواز بنیں گے جبکہ انکے مسائل اسمبلی میں اجاگر کریں گے اور دھاندلی کو پارلیمنٹ کے اندر اور باہر ایکسپوز کریں گے۔

چیئرمین پیپلز پارٹی کا مزید کہنا تھا کہ ماضی کے مقابلے میں کھبی اتنی دھاندلی نہیں ہوئی ، آزاد کشمیر میں دھاندلی زدہ پیسوں کی بنیاد پر حکومت بننے جا رہی ہے۔

 بلاول بھٹو کا کہنا تھا کہ اپوزیشن اگر سنجیدہ ہے تو اس کو اپنا آپ دکھانا چاہیے اور پیپلزپارٹی ہی آزاد شفاف انتخابات کے لئے ہمیشہ سے جدوجہد کرتی آئی ہے۔

انہوں نے یہ بھی کہا کہ الیکٹرانک ووٹنگ کا معاملہ حکومتی بدنیتی ہے اور پی ٹی آئی کی دھاندلی کا طریقہ کار ایم کیو ایم طرز کا ہے۔

چیئرمین پیپلز پارٹی کا کہنا تھا کہ پیپلز پارٹی آزاد کشمیر حکومتی دھاندلی کے خلاف احتجاج کرے گی کیونکہ دھاندلی دھاندلی بات کرنا کافی نہیں اس کا پیچھا کرنا پڑے گا۔

بلاول بھٹو کا یہ بھی کہنا تھا کہ پیپلزپارٹی نے ضمنی الیکشن میں کراچی سے کامیابی حاصل کی اور گیارہ اسیٹیڻ لے کر تمام تجزیئے غلط ثابت کر دیئے ہیں۔

چیئرمین پاکستان پیپلز پارٹی بلاول بھٹو زرداری نےمزید کہا کہ پورے پاکستان کی عوام اب عمران خان کو پہچان چکی ہے، پیپلزپارٹی کی فتح اور حکومت کی شکست کا سلسلہ جاری رہے گا۔

The post آزاد کشمیر کی کٹھ پتلی حکومت کو نہیں چلنے دیں گے، بلاول appeared first on .