ہم کشمیر کی آزادی کے لیے جنگ لڑ رہے ہیں ، کیپٹن ریٹائرڈ صفدر

کیپٹن ریٹائرڈ صفدر نے کہا کہ ہم حالت جنگ میں ہیں، کشمیر کی آزادی کے لیے جنگ لڑ رہے ہیں۔

تفصیلات کے مطابق کیپٹن ریٹائرڈ صفدر نے اسلام آباد ہائی کورٹ کے باہر میڈیا سے گفتگو کرتے ہوئے کہا کہ اس کیس کو اتنی عجلت میں چلانے کی کوئی ضرورت نہیں تھی۔

انہوں نے کہا کہ ثاقب نثار کی مرضی سے پانامہ کیس میں مانیٹرنگ جج تعینات ہوا ، یہاں کے جج نے کہا کہ مفروضوں پر سزا ہوئی ، مفروضے چلتے رہیں گے اور جمہوریت بھی چلتی رہے گی ، ووٹ کو عزت دو کا نعرہ آئین پاکستان کے لیے ہے۔

کیپٹن ریٹائرڈ صفدر نے کہا کہ قائداعظم نے کہا تھا کہ کشمیر ہماری شہ رگ ہے ، کشمیر کے بارڈر پر شہادتیں ہو رہی ہیں ، ہمارے فوجی اندرونی و بیرونی سرحدوں کو بچا رہی ہے ،  شہباز شریف پارٹی کے صدر ہیں، انہوں نے ٹیم بنائی جس نے الیکشن کمپین چلائی بڑا اکھاڑا ہو گا تو بڑا پہلوان میدان میں آئے گا ، نواز شریف نے جان ہتھیلی پر رکھ کر پاکستان کو ایٹمی پاکستان بنایا۔

The post ہم کشمیر کی آزادی کے لیے جنگ لڑ رہے ہیں ، کیپٹن ریٹائرڈ صفدر appeared first on .