اداکارہ کنگنا رناوت نے ایشوریا رائے کی جگہ لے لی

اداکارہ کنگنا رناوت نے ایشوریا رائے کی جگہ لے لی، یہ جگہ ان کے کسی اعزاز کی نہیں بلکہ فلم کے کردار کی ہے۔

 تامل ناڈو کی آنجہانی سیاست دان جے للیتا کی زندگی پر فلم بنائی جارہی ہے اور اس میں سابق وزیراعلیٰ تامل ناڈو کا کردار کنگنا رناوت نبھا رہی ہیں۔

میڈیا رپورٹس کے مطابق اپنی زندگی میں جے للیتا نے کہا تھا کہ ان کی خواہش ہے اگر ان کی زندگی پر فلم بنے تو اس میں ایشوریا رائے ان کا کردار نبھائیں۔

ان خیالات کا اظہار انھوں نے 1999 میں ایک شو میں گفتگو کرتے ہوئے کیا تھا۔

اس انٹرویو کو دو دہائیاں گزر جانے کے بعد کنگنا نے اعلان کیا وہ تھلائیوی کے ساتھ جے للیتا کی زندگی کو بڑی اسکرین پر لائیں گی۔

رواں برس کے آغاز میں کنگنا نے اس فلم کی جھلکیاں بھی جاری کیں اور فلم کے ریلیز کا وقت اپریل کا بتایا تاہم کورونا وائرس کے پیشِ نظر فلم کی ریلیز کو ملتوی کردیا گیا۔

The post اداکارہ کنگنا رناوت نے ایشوریا رائے کی جگہ لے لی appeared first on .