کورونا کے بڑھتے ہوئے کیسز ، مائیکرو اسمارٹ لاک ڈاؤن نافذ

کورونا وائرس کے بڑھتے ہوئے کیسز کے باعث کراچی کے ضلع کیماڑی میں مائیکرو اسمارٹ لاک ڈاؤن نافذ کردیا گیا ہے۔

ڈسٹرکٹ ہیلتھ آفیسر کی سفارش پر ڈپٹی کمشنر کیماڑی نے مائیکرو اسمارٹ لاک ڈاؤن کے نفاذ سے متعلق باقاعدہ نوٹیفکیشن جاری کردیا ‏گیا ہے۔

نوٹیفکیشن کے مطابق سب ڈویژن بلدیہ کی دو یوسیز میں آج رات 12بجے سے 9اگست کی شب 12بجے تک لاک ڈاؤن ہوگا جبکہ سب ڈویژن بلدیہ کی یوسی  4 کے ایک اور 5کے تین مخصوص ایریا میں لاک ڈاؤن ہوگا

نوٹیفکیشن میں کہا گیا ہے کہ متاثرہ علاقوں میں تمام کاروبار بند رہے گا اور غیر ضروری آمدورفت پر پابندی اور ماسک کا استعمال لازمی ہوگا۔

نوٹیفکیشن میں یہ بھی کہا گیا ہے کہ متاثرہ مریض کووڈ ٹیسٹ منفی آنے تک قرنطینہ میں رہیں گے جبکہ حکومت متاثرہ علاقے کے مستحق افراد کی ہرممکن مدد کرے گی۔

نوٹیفکیشن میں مزید کہا گیا ہے کہ یوٹیلٹی سروسز فراہم کرنے والے اداروں کے ملازمین لاک ڈاؤن سے مستثنی ہوں گے۔

The post کورونا کے بڑھتے ہوئے کیسز ، مائیکرو اسمارٹ لاک ڈاؤن نافذ appeared first on .