اداکارہ عائشہ عمر کا خود سے متعلق کیے گئے عہد کا ویڈیو کلپ وائرل

اداکارہ و ماڈل عائشہ عمر کا رمضان المبارک کے دوران شو میں کیے گئے ایک عہد سے متعلق ویڈیو کلپ وائرل ہوگیا ہے جس میں اداکارہ نے عہد کیا ہے کہ ہر جمعہ روزہ رکھوں گی۔

اداکارہ نے دوران رمضان نجی ٹی وی پروگرام میں شرکت کی جہاں اداکارہ کے ہمراہ شوبز کی دیگر شخصیات کومل عزیز خان اور نمرہ خان بھی شریک ہوئیں تھیں۔

شو میں عائشہ عمر کا کہنا تھا کہ انہوں نے فیصلہ کیا ہے کہ رمضان کے بعد ہر جمعہ روزہ رکھیں گی۔

یہ بھی پڑھیں

عائشہ عمر کے مطابق انہیں روزے پسند ہیں اور روزہ انسان کے جسم کے لئے ایک بہت اچھا ڈیٹوکس ہے لہٰذا ہفتے میں ایک دن روزہ رکھنا کسی بھی انسان کے لئے مشکل نہیں ہے اس لئے رمضان کے بعد ہر جمعہ روزہ رکھنے کا فیصلہ کیا ہے۔

اداکارہ کی گفتگو پر کومل عزیز نے بھی اتفاق کرتے ہوئے کہا کہ انہوں نے سوچا ہوا ہے کہ وہ بھی روزہ رکھیں گی لیکن یہ پتہ نہیں کب ہوگا۔

The post اداکارہ عائشہ عمر کا خود سے متعلق کیے گئے عہد کا ویڈیو کلپ وائرل appeared first on .