اداکار احمد علی بٹ نے حکومت سے مطالبہ کردیا

کھیلوں کے سب سے بڑے مقابلوں اولمپکس 2020 میں شرکت کرنے والے ویٹ لفٹر طلحہ طالب نے گزشتہ روز زبردست مقابلہ کر کے  پاکستانیوں کے دِل جیت لیے جس پر احمد علی بٹ نے طلحہ کی تعریف کی ہے۔

تفصیلات کے مطابق اسی ضمن میں احمد علی بٹ نے طلحہ کی تعریف کی اور ان کے اعزاز میں انسٹاگرام پر خصوصی اسٹوری شیئر کی۔

اداکار نے طلحہ کو سلیوٹ پیش کرتے ہوئے لکھا کہ اسے کوئی نہیں جانتا، کسی برانڈ نے اسے اسپانسر نہیں کیا، اس کے پاس فالوورز کی تعداد لاکھوں میں نہیں ہے، اس کے باوجود اس نے پاکستان کی نمائندگی کی اور اپنی بہترین کوشش کرتے ہوئے ہمیں فخر محسوس کروایا۔

احمد علی نے حکومت سے مطالبہ کیا ہے کہ برائے مہربانی ہمارے ان ایتھلیٹ کو سپورٹ کریں جن میں کچھ کر دکھانے کی لگن ہے، ہر چیز شہرت اور ریٹنگ کے لئے نہیں ہوتی، یہ ہمارے سچے ہیرو ہیں۔

انہوں نے تمام برانڈز کو مخاطب کرتے ہوئے کہا کہ ایسے لوگوں کو دیکھیں جن کے پاس انسٹاگرام پر فالوورز تو نہیں ہیں لیکن ٹیلنٹ ضرور ہے۔

The post اداکار احمد علی بٹ نے حکومت سے مطالبہ کردیا appeared first on .