Zeal News Pakistan First Complete Media Group
ٹوکیو اولمپکس،13سالہ بچی نے اسکیٹ بورڈنگ میں سونے کا تمغہ جیت لیا۔
تفصیلات کے مطابق اولمپک 2020میں سخت مقابلوں کا سلسلہ جاری ہے اور ساتھ ہی ایونٹ نے دنیا کو ناقابل یقین اور خوشگوار لمحات بھی دئیے ہیں۔
ذرائع کے مطابق جاپان کی 13سالہ نشیہ مومجی وومن اسکیٹ بورڈنگ ایونٹ میں اپنے ملک کے لیے گولڈ میڈل جیتنے میں کامیاب رہیں جس کے بعد وہ اولمپک کی تاریخ میں سب سے کم عمری میں سونے کا تمغہ جیتنے والی کھلاڑیوں میں اپنا نام درج کرانے میں کامیاب ہو گئی ہیں ، سب سے کم عمر میں اولپمک گولڈ میڈل کا ریکارڈ رکھنے والی کھلاڑی کا نشیہ مومجی سے چند ہی ماہ کا فرق ہے۔
دوسری جانب اولمپک میں پہلی بار اسکیٹ بورڈنگ کے مقابلے میں بھی جاپان فاتح قرار پایا ہے، 22 سالہ یوٹو ہریگوم نے برازیل اور امریکا کے کھلاڑیوں کو شکست دے کر اپنے ملک کے لیے اسکیٹنگ کے مقابلے میں پہلا گولڈ میڈل حاصل کیا۔
واضح رہے کہ امریکا سے تعلق رکھنے والی مرجوری گیسٹررنگ نے1936میں برلن میں ہونے والے مقابلوں میں اسپرنگ بورڈ ڈائیونگ میں سونے کا تمغہ حاصل کیا تھا اور اس وقت ان کی عمر 13سال 267دن تھی۔
The post ٹوکیو اولمپکس،13سالہ بچی نے اسکیٹ بورڈنگ میں سونے کا تمغہ جیت لیا appeared first on .
