گلوکار فرحان سعید نئے گانے کی کامیابی پر مداحوں کے مشکور

گلوکار فرحان سعید اور گلوکارہ آئمہ بیگ کا عید کے تیسرے روز ریلیز ہونے والا رومانوی گانا نہ چھیڑ ملنگاں نوں کی کامیابی پر فرحان سعید مداحوں کے محبت کے مشکور ہیں۔

گلوکار نے مائیکرو بلاگنگ ویب سائٹ ٹوئٹر پر اپنے نئے گانے ’نہ چھیڑ ملنگاں نوں‘ کی کامیابی اور اسے سراہائے جانے پر مداحوں کا شکریہ ادا کیا ہے۔

Humbled by the overwhelming respose to #NaChherMalangaanNu ; can't thank you enough for all the love and appreciation – being able to enthrall listeners and fans alike is always such an honour

— Farhan Saeed (@farhan_saeed) July 24, 2021

فرحان سعید نے اپنے ٹوئٹ میں مداحوں کا شکریہ ادا کرتے ہوئے لکھا کہ ’نئے گانے کو جتنا پسند کیا جارہا ہے اس پر اتنا خوش ہوں کہ آپ لوگوں کی محبت اور حوصلہ افزائی کا جتنا بھی مشکور ہوں کم ہے۔

انہوں نے مزید لکھا کہ اپنے تمام سُننے والوں اور مداحوں کو ایک ساتھ موسیقی کے سحر میں مبتلا کرنا اعزاز ہے۔

فرحان نے ایک سال کے وقفے کے بعد اپنے اس نئے گانے کے لئے گلوکارہ آئمہ بیگ اور گلوکار بلال سعید کے ساتھ تعاون کے بارے میں لکھا کہ گزشتہ سال زندگی ٹھہری ہوئی سی رہی، خوشی اس بات کی ہے کہ آخرکار موسیقی جو مجھے پسند ہے وہ کر رہا ہوں۔

انہوں نے مزید کہا کہ اس زبردست جوڑی گلوکارہ آئمہ بیگ اور گلوکار بلال سعید کے ساتھ یہ تعاون آنے والی بہت سی اچھی چیزیں کرے گا۔

خیال رہے کہ گلوکار فرحان سعید اور گلوکارہ آئمہ بیگ کا عید کے تیسرے روز ریلیز ہونے والا رومانوی گانا ’نہ چھیڑ ملنگاں نوں‘ ویڈیو شیئرنگ ایپ یوٹیوب کی میوزک کیٹیگری میں  15 ویں نمبر پر ٹرینڈ کررہا ہے جبکہ سوشل میڈیا پر اس گانے کو ٹیلر سویفٹ کے 2014 میں ریلیز کیے جانے والے گانے کی کاپی قرار دیا جارہا ہے۔

The post گلوکار فرحان سعید نئے گانے کی کامیابی پر مداحوں کے مشکور appeared first on .