شادی کے روز دلہا نے ایسا کیا کردیا ،باراتی حیران رہ گئے

کورونا وباء کے دوران بیشتر ممالک کی طرح بھارت میں بھی آفس بند ہونے کے باعث ورکرز کو گھر سے کام کرنے کی اجازت دی گئی ہے، اس ہی طرح ایک شادی کی ویڈیو سوشل میڈیا پر وائرل ہوگئی ہے۔

غیر ملکی خبر رساں ادارے کے مطابق بھارت میں ایک دلہا کی ویڈیو سوشل میڈیا پر وائرل ہوگئی جو دلہا شادی کے دن منڈپ پر بیٹھے ہوئے لیپ ٹاپ استعمال کررہا ہے اور دلہن دوسری جانب بیٹھی دلہا کو دیکھ کر اپنی ہنسی پر قابو پانے کی ناکام کوشش کررہی ہے۔

اس ویڈیو میں دیکھا جاسکتا ہے کہ شادی میں شریک رشتے داروں اور دیگر کو انتظار ہے کہ دلہا میاں کا لیپ ٹاپ پر کام ختم ہو تو رسومات کا آغاز کیا جاسکے۔

ویڈیو کو انسٹاگرام پر شیئر کرتے ہوئے کیپشن لکھا گیا ہے کہ گھر سے کام کریں؟ یہ شادی کا کام ہے، ورکنگ دلہا اور ہنستی دلہن، شادیوں میں خوش آمدید۔

اس ویڈیو پر سوشل میڈیا صارفین کی جانب سے مختلف تبصرے کیے جارہے ہیں ،ایک صارف نے لکھا کہ دلہا لیپ ٹاپ پر آفس کا کام نہیں کررہا ہے بلکہ وہ ویڈیو کے ذریعے شادی میں شریک لوگوں سے گفتگو کررہا ہے۔

The post شادی کے روز دلہا نے ایسا کیا کردیا ،باراتی حیران رہ گئے appeared first on .