مریم نفیس علی امین پر بھڑک اٹھیں

پاکستان شوبز انڈسٹری کی اداکارہ مریم نفیس وفاقی وزیر علی امین گنڈا پور کی جانب سے مریم نواز کے لیے استعمال کی گئی زبان سے سخت نالاں دکھائی دے رہی ہیں۔

مریم نفیس نے انسٹاگرام پر جاری ایک اسٹوری میں کہا کہ ہم اپنے حقوق کے لیے صرف اس لیے لڑ رہے ہیں کہ آپ جیسے مرد دنیا میں موجود ہیں، آپ ایک عورت سے اس زبان اور لہجے میں بات کرنے والے کوئی نہیں ہوتے۔

مریم نفیس نے مریم نواز کی حمایت میں کہا کہ ’تمیز کے دائرے میں رہ کر تنقید کریں۔

اداکارہ نے مزید کہا کہ آپ کو اپنی اس حرکت پر معافی مانگنی چاہئے اور فوری طور پر مستعفی ہونا چاہیے۔‘

انہوں نے لکھا کہ اب بس بہت ہوگیا ہم نہی چاہتے کہ آپ جیسے لوگ ہم پر مزید حکمرانی کریں۔

اداکارہ نے کہا کہ پی ٹی آئی کو ووٹ اس لیے نہیں دیا تھا۔

یاد رہے کہ علی امین گنڈا پور نے آزاد کشمیر انتخابی جلسے سے خطاب کے دوران مریم نواز کی ذاتیات پر تنقید کی تھی۔

The post مریم نفیس علی امین پر بھڑک اٹھیں appeared first on .