کورونا ایس او پیز کی خلاف ورزیاں ، انتطامیہ حرکت میں آگئی

ملتان میں عالمی وباء کی چوتھی لہر کے خدشے کے پیش نظر کورونا ایس او پیز کی خلاف ورزیاں کرنے پر انتظامیہ کی جانب سے کیے گئے کریک  ڈاؤن میں شدت آگئی ہے۔

تفصیلات کے مطابق ضلعی انتظامیہ کے افسران ، پاک فوج اور پولیس پر مشتمل ٹیموں نے  شہر میں گشت کرتے ہوئے  3 افراد گرفتار کر لیے ہیں جبکہ  1 کاروباری مرکز کو بھی سیل کر دیا ہے۔

 کارروائی مال پلازہ ، ڈیرہ اڈا ،قاسم بیلہ ، گارڈن ٹاون ،ممتاز آباد اور گلشن مارکیٹ کے علاقے میں کی گئی ہے۔

اسکے علاوہ کورونا ایس او پیز پر عمل نہ کرنے پر بزنس سینٹرز کے مالکان اور ٹرانسپورٹرز پر3 لاکھ 60 ہزار روپے کے جرمانے عائد کیے گئے ہیں جبکہ 16 بسوں کو تحویل میں لے کر 9 بسوں کا چالان بھی کیا ہے۔

واضح رہے کہ مانیٹرنگ ٹیموں کی قیادت سیکرٹری آر ٹی اے رانا محسن، پرائس مجسٹریٹس نعیم چنگیزی، نعمان عابد اور اشتیاق شاہ نے کی ہے۔

The post کورونا ایس او پیز کی خلاف ورزیاں ، انتطامیہ حرکت میں آگئی appeared first on .