اجوائن اور اس کا پانی کتنا فائدے مند ہے؟

اجوائن ایک ایسی دوا ہے جس سے تقریباً ہر شخص واقف ہے۔ اجوائن کا رنگ سیاہی مائل بھورا ہوتا ہے۔

اس کے بیج انیسوں کے مشابہ ہوتے ہیں اور اس کی بو تیز ہوتی ہے، اس کا مزاج تیسرے درجے میں گرم و خشک ہوتا ہے۔

عام طور پر اس کی مقدار خوراک تین ماشہ سے چھ ماشہ تک ہوتی ہے۔

اگر بات کی جائے اجوائن کے  فائدوں کی تو اس کے بے شمار فوائد ہیں لیکن اجوائن کا پانی کس حد تک فائدے مند ہوتا ہے؟

اجوائن کا پانی نہ صرف نظام ہاضمہ کو بہتر کرتا ہے بلکہ میٹابولزم کی رفتار بھی بڑھاتا ہے، میٹابولزم کی رفتار جتنی زیادہ ہوگی، اتنی ہی کیلوریز زیادہ جلیں گی، اس کے نتیجے میں چربی بہت تیز رفتاری سے گھلنا شروع ہوجائے گی۔

اجوائن کا قہوہ معدے اور جگر کی بیماریوں میں اکسیر فوائد فراہم کرتا ہے، جو افراد انگریزی دوا روزانہ کھاتے ہوں اُن کے لئے اجوائن کا قہوہ بہت فائدہ مند ثابت ہوتا ہے۔

اجوائن کے قہوے سے بدہضمی اور گیس اور جگر کی کمزوری ختم ہوجاتی ہے۔

اسکے علاوہ اجوائن کا استعمال فالج اور اعصابی کمزوری والے مریضوں کے لئے مجرب ہے جبکہ یہ جسم کے زہریلے مادوں کو تحلیل کرتی ہے۔

اگر اسے لیموں کے پانی میں رگڑ کر خشک کر کے سفوف بنایا جائے اور یہ سفوف ایک چمچہ چائے والا ہمراہ پانی دن میں ایک بار استعمال کرنے سے قوت باہ میں اضافہ ہوتا ہے ۔

اجوائن کو اگر شہد کے ہمراہ کھایا جائے تو چہرے اور ہا تھ پاﺅں کی سوجن میں فائدہ دیتی ہے اسکے علاوہ اس کا روزانہ استعمال بمقدار چھ ما شہ ہمراہ پانی بدن میں چستی لاتا ہے۔

اجوائن کے چند دانے چبا لینے سے قے فوراً رک جاتی ہے۔ اگر منہ کا ذائقہ خراب ہو تو اجوائن کے دانے چبانے سے ٹھیک ہو جاتا ہے۔

The post اجوائن اور اس کا پانی کتنا فائدے مند ہے؟ appeared first on .