بیرون ملک جانے والے افراد کے لئے بڑی خوشخبری

امریکی کمپنی کی تیار کردہ فائزر ویکسین کی مزید کھیپ پاکستان پہنچ گئیں۔

تفصیلات کے مطابق بیرون ملک جانے والے افراد کے لئے بڑی خوشخبری ہے کہ امریکی کمپنی کی تیار کردہ فائزر ویکسین کی مزید کھیپ پاکستان پہنچ گئیں ہیں۔

ذرائع کے مطابق غیر ملکی ایئرلائن کے ذریعے مزید چودہ ہزار فائزر ویکسین کی ڈوز اسلام آباد پہنچی، اسلام آباد ایئرپورٹ حکام نے فائزر ویکسین ای پی آئی کےحوالےکی۔

ذرائع کا کہنا ہے کہ فائزر ویکسین ای پی آئی کے مرکزی ویئر ہاؤس منتقل کردی گئی، جہاں انہیں الٹرا کولڈ چین ریفریجریٹرز میں اسٹاک کیا گیا ہے۔

ذرائع کا مزید کہنا ہے کہ پاکستان نے ایک کروڑ 30 لاکھ فائزر ویکسین کا معائدہ کیا تھا، گزشتہ ماہ ایک لاکھ 600 فائزر ویکسین کی خوراکیں پاکستان کو موصول ہوئی تھیں جبکہ پاکستان کو رواں ماہ فائزر ویکسین کی مزید خوراکیں موصول ہوں گی۔

The post بیرون ملک جانے والے افراد کے لئے بڑی خوشخبری appeared first on .