بکرے نے ڈرامے بازی میں انسانوں کو بھی پیچھے چھوڑ دیا، دلچسپ ویڈیو وائرل

بکرے نے ڈرامے بازی میں انسانوں کو بھی پیچھے چھوڑ دیا۔

اگر کوئی شخص کسی حوالے سے ایکٹنگ کرنے کی کوشش کرتا ہے عموماً اسے ڈرامے باز کہا جاتا ہے لیکن ڈرامے بازی کی یہ صفات صرف انسانوں تک محدود نہیں ہے بلکہ ڈرامے بازی بکروں میں بھی پائی جاتی ہے۔

بکرے کی ایک دلچسپ ویڈیو ان دنوں سوشل میڈیا پر وائرل ہوگئی ہے جسے دیکھ کر سوشل میڈیا صارفین قہقہے لگانے پر مجبور ہوگئے ہیں اور ویڈیو پر خوب پسندیدگی کا اظہار کررہے ہیں۔

جانوروں کی چھوٹی موٹی شرارتیں دیکھ کر سبھی محظوظ ہوتے ہیں لیکن سوشل میڈیا پر ایک ایسے بکرے کی ویڈیو وائرل ہوئی ہے جسے پکڑنے جاؤ تو وہ مردہ بن جاتا ہے۔

اس ویڈیو میں نظر آرہا ہے کہ بکروں کے فارم میں موجود شخص ایک چنچل بکرے کو پکڑنے کی کوشش کررہا ہے لیکن جیسے ہی مالک نے بکرے کو پکڑا بکرا فوراً زمین پر گر گیا اور خود کو مردہ ظاہر کیا۔

پکڑ سے بچنے کے لئے نٹ کھٹ بکرے نے اتنی کمال ڈرامے بازی کا مظاہرہ کیا کہ اپنی گردن بھی ڈھیلی چھوڑ دی تاکہ انسانوں کو بکرے کے مرنے کا یقین ہوجائے۔

The post بکرے نے ڈرامے بازی میں انسانوں کو بھی پیچھے چھوڑ دیا، دلچسپ ویڈیو وائرل appeared first on .