جرمنی کی چانسلر اعزازی ڈگری لینے کے دوران گاؤن میں الجھ کر رہ گئیں ، ویڈیو وائرل

جرمنی کی چانسلر انجیلا میرکل امریکی یونیورسٹی جان ہاپکنز سے اعزازی ڈگری حاصل کرنے کے موقع پر روایتی گریجویشن لباس میں الجھ کر رہ گئیں اور دیکھتے ہی دیکھتے سوشل میڈیا پر یہ ویڈیو وائرل ہوگئی۔

عالمی خبر رساں ادارے کے مطابق جرمنی کی چانسلر انجیلا میرکل کو جان ہاپکنز یونیورسٹی نے اعزازی ڈگری سے نوازا جس کے لئے ایک سادہ لیکن باوقار تقریب بھی رکھی گئی تاہم پوری تقریب میں جرمنی کی چانسلر گاؤن میں ہی الجھی رہیں۔

German Chancellor Angela Merkel wrestles with a graduation robe as she is awarded an honorary degree by Johns Hopkins University pic.twitter.com/HE5LykkkNJ

— Reuters (@Reuters) July 16, 2021

سوشل میڈیا پر وائرل ہونے والی ایک ویڈیو میں دیکھا جا سکتا ہے کہ یونیورسٹی کی جانب سے انہیں اعزازی ڈگری دی گئی اور اس کے بعد گریجویشن کی تکمیل کی تقریب کے لئے مختص روایتی لباس کا ایک حصہ پہننے کو دیا گیا۔

انجیلا میرکل اس موقع پر گڑبڑا گئیں اور انہیں سمجھ نہیں آیا کہ اس اوڑھنی کو کس طرح لینا ہے جس پر ڈگری دینے والے یونیورسٹی کے پرنسپل نے ان کی مدد کی تاہم اس کے باجود بھی انجیلا میرکل الجھن کا شکار رہیں۔

اس ویڈیو میں دیکھا جا سکتا ہے کہ گاؤن کو درست کرنے کی کوشش میں ناکامی پر انجیلا میرکل کے چہرے پر غصے کے آثار بھی نمایاں تھے۔ یہ ویڈیو دیکھتے ہی دیکھتے سوشل میڈیا پر وائرل ہوگئی۔

The post جرمنی کی چانسلر اعزازی ڈگری لینے کے دوران گاؤن میں الجھ کر رہ گئیں ، ویڈیو وائرل appeared first on .