اداکارہ کاجول کی بہن نے شادی کیوں نہیں کی؟ خود ہی بتا دیا

بالی ووڈ اداکارہ کاجول کی بہن و اداکارہ تنیشا مکھرجی نے 43 سال عمر ہونے کے باوجود شادی نہ کرنے کی وجہ بتادی۔

غیر ملکی خبر رساں ادارے کے مطابق ایک شو میں گفتگو کرتے ہوئے تنیشا کا کہنا تھا کہ میری خوش قسمتی ہے کہ مجھے اچھا خاندان ملا اور میری خوشگوار زندگی میں گھر والوں کا اہم کردار ہے۔

انہوں نے بتایا کہ گھر والوں نے مجھ پر شادی کے لئے کبھی دباؤ نہیں ڈالا جس پر خوشی محسوس ہوتی ہے۔

شادی کے حوالے سے تنیشا نے مزید بتایا کہ 43 سالہ ہونے کے باوجود فی الحال شادی کا کوئی ارادہ نہیں۔

اداکارہ کا کہنا تھا کہ والدہ اور دادی ہمیشہ  تاکید کرتی ہیں کہ زندگی بہت مختصر ہوتی ہے اس لئے اپنی زندگی کا ہر لمحہ خوشی سے گزارنا چاہئیے۔

واضح رہے کہ اداکارہ تنیشا مکھرجی نے کیریئر کا آغاز 2003 میں کیا اور وہ متعدد فلموں میں اداکاری کے جوہر دکھا چکی ہیں اور کئی ٹی وی شوز میں بھی نظر آچکی ہیں۔

The post اداکارہ کاجول کی بہن نے شادی کیوں نہیں کی؟ خود ہی بتا دیا appeared first on .