طلاق سے متعلق جھوٹی افواہوں کی پرواہ نہیں کرتی، صنم جنگ کا انکشاف

ٹیلی ویژن اداکارہ اور ٹی وی شوز کی میزبان صنم جنگ نے کہا ہے کہ وہ اپنے شوہر قاسم سے اپنی طلاق سے متعلق جھوٹی افواہوں کی پرواہ نہیں کرتی۔

اداکارہ نے اپنے ایک حالیہ انٹرویو میں کہا کہ معمولی سے مذاق نے ایک مکمل نئے تنازع کی شکل اختیار کرلی ہے۔

انھوں نے کہا کہ میں سوشل میڈیا پر چلنے والی اس جھوٹی خبر سے بالکل پریشان نہیں ہوں۔

صنم جنگ کا کہنا تھا کہ اس کی وجہ یہ بھی ہے کہ میں اپنے شوہر کے ساتھ اپنی تصویر پوسٹ نہیں کرتی جس سے ہر ایک یہ سمجھتا ہے کہ ہمارے درمیان طلاق ہوگئی ہے۔

اپنی بات جاری کرتے ہوئے ان کا کہنا تھا کہ اور کچھ لوگوں نے تو میری انسٹاگرام پوسٹ کے نیچے بالکل یہی چیز بطور کمنٹس لکھ دی ہے، تو میں نے مذاق میں لکھ دیا کہ ایسا آپ کی وجہ سے ہوا ہے۔

اداکارہ کا مزید کہنا تھا کہ مجھے اندازہ نہیں تھا کہ یہ مذاق اتنا زیادہ پھیل جائے گا اور میری فیملی پر دباؤ بھی پڑے گا۔

واضح رہے کہ صنم اپنی بیٹی کو ناشتہ کرواکر روزانہ اسکول روانہ کرتی ہیں اور شوٹنگ کے دوران بھی وہ اپنے خاندان سے فون پر رابطے میں رہتی ہیں۔

The post طلاق سے متعلق جھوٹی افواہوں کی پرواہ نہیں کرتی، صنم جنگ کا انکشاف appeared first on .