شوبز انڈسٹری کی جانب سے اداکارہ نائلہ جعفری کے انتقال پر اظہارِ افسوس

پاکستان شوبز انڈستری کی جانب سے اداکارہ نائلہ جعفری کے انتقال پر شدید دُکھ کا اظہار کیا جا رہا ہے۔

پاکستان شوبز انڈسٹری کی معروف اداکارہ بشریٰ انصاری نے اداکارہ نائلہ جعفری کے انتقال شدید افسوس کا اظہار کیا ہے۔

 

View this post on Instagram

 

A post shared by Bushra Bashir (@ansari.bushra)

بشریٰ انصاری نے فوٹو اینڈ ویڈیو شیئرنگ ایپ انسٹاگرام پر پُرانے دنوں کی حسین یاد شیئر کی ہے۔

 بشریٰ انصاری کی جانب سے پوسٹ کی اجنے والی تصویر میں دیکھا جا سکتا ہے کہ اداکارہ کے ساتھ اُن کی مرحومہ بہن سنبل شاہد، اداکارہ نائلہ جعفری، روبینہ اشرف سمیت دیگر سینئر اداکارائیں موجود ہیں۔

اداکارہ نے تصویر شیئر کرتے ہوئے کیپشن میں لکھا کہ میری پیاری دوست نائلہ جعفری کو الوداع۔

اُنہوں نے لکھا کہ نائلہ جعفری ایک بہادر فائٹر تھیں، وہ اپنے مرض سے بہت اچھا لڑیں لیکن یہ سب خُدا کی مرضی تھی۔

اداکارہ نے مزید لکھا کہ میری پیاری دوست، ہم آپ کو بہت یاد کریں گے۔

بشریٰ انصاری نے نائلہ جعفری کی مغفرت کے لیے دُعا کرتے ہوئے لکھا کہ اللّہ تعالیٰ آپ کو جنت الفردوس میں اعلیٰ مقام عطا کرے، آمین۔

اس کے عالاوہ فلم و ٹی وی انڈسٹری کے سینئر اداکار عدنان صدیقی نے اداکارہ نائلہ جعفری کے انتقال پر شدید دُکھ کا اظہار کرتے ہوئے کہا ہے کہ اداکارہ کی موت دل دہلا دینے والا نقصان ہے۔

عدنان صدیقی نے سماجی رابطے کی ویب سائٹ ٹوئٹر پر نائلہ جعفری کی یادگار تصویر شیئر کی جس میں وہ مُسکرا رہی ہیں۔

عدنان صدیقی نے ٹوئٹر پر تصویر شیئر کرتے ہوئے لکھا کہ نائلہ جعفری کا انتقال، ہمارے لیے ایک اور دل دہلا دینے والا نقصان ہے۔

اداکار نے لکھا کہ نائلہ جعفری نے ہمیشہ ہر ایک کی حوصلہ افزائی کی اور ہم صرف اُن کے کام کو نہیں بلکہ اُن کی خوش اخلاقی اور ایمانداری کو ہمیشہ یاد رکھیں گے۔

Another heartbreaking loss…#NailaJafri, you fought with spirited courage. We would always remember not just your work but also how you became our voice for royalty. Even in your last days, you did not forget to help others. pic.twitter.com/S05oY0Y6BV

— Adnan Siddiqui (@adnanactor) July 17, 2021

اُنہوں نے مزید لکھا کہ نائلہ جعفری نے تو اپنی زندگی کے آخری ایام میں بھی لوگوں کی ہر ممکن مدد کی۔

واضح رہے کہ گزشتہ روز پاکستان کی معروف اداکارہ نائلہ جعفری انتقال کرگئیں، اداکارہ طویل عرصے سے کینسر جیسی مہلک بیماری میں مبتلا تھیں۔

اداکارہ 2016 سے علیل تھیں اور ابتدائی طور پر ان میں اوورین کینسر کی تشخیص ہوئی تھی اور بعد ازاں ان میں معدے کے کینسر کی بھی تشخیص ہوئی تھی۔

The post شوبز انڈسٹری کی جانب سے اداکارہ نائلہ جعفری کے انتقال پر اظہارِ افسوس appeared first on .