ماورہ حسین بالی ووڈ کیلئے بھوکی ہیں، علی خان کا انکشاف

پاکستانی اداکار علی خان کا کہنا ہے کہ ماورہ حسین بالی ووڈ کی بھوکی ہیں اور انہوں نے ہی ماورہ کو بھارتی فلم میں کام دلوایا تھا۔

اداکار کے ایک پرانے انٹرویو کی ویڈیو انسٹاگرام پر وائرل ہو گئی ہے جس میں ماورہ کی تصویر اسکرین پر دکھاتے ہوئے میزبان نے علی خان سے اظہارِ خیال کرنے کو کہا۔

 

View this post on Instagram

 

A post shared by Multifandom (@celebspower)

علی خان نے کہا کہ یہ حسین، چلبلی اور بھوکی ہیں، جواب پر میزبان نے حیرانی کا اظہار کیا اور کہا کیا یہ دن میں 4 یا 8 بار کھانا کھاتی ہیں؟

اداکار نے جواب دیا کہ کھانا کھاتی ہوں گی، ان کی صحت کو دیکھ کر نہیں لگتا لیکن یہ بالی ووڈ کے لئے کافی بھوکی ہیں۔

علی خان نے کہا کہ ہمارا ایک پراجیکٹ ابھی ختم ہوا ہی تھا کہ میرے پاس اتفاق سے بھارت سے ایک پروڈیوسر کی کال آگئی، پروڈیوسر نے مجھ سے کہا کہ کوئی ایسی لڑکی بتاؤ جو نئی ہو، جس پر میں نے ماورہ کا نام بتادیا اور اب وہ بالی ووڈ میں ایک بڑی فلم میں کام کررہی ہیں۔

خیال رہے کہ ماورہ حسین نے 2016 میں بالی وڈ فلم صنم تیری قسم میں اداکاری کے جوہر دکھائے تھے۔

The post ماورہ حسین بالی ووڈ کیلئے بھوکی ہیں، علی خان کا انکشاف appeared first on .