کراچی: بچوں کی سگی ماں ہی ان کی قاتل نکلی

کچھ عرصہ قبل گلستان جوہر کے فلیٹ میں تین بچوں کی پراسرار موت  کے واقعے کی گتھی سلجھ گئی۔

تفصیلات کے مطابق کچھ عرصہ قبل کراچی کے علاقے گلستان جوہر میں تین بچوں کی پراسرار موت کا واقعہ پیش آیا تھا۔ تینوں بہن بھائیوں کی عمر دس سال سے کم تھی۔

تینوں بہن بھائیوں کو حالت غیر ہونے پر نجی اسپتال منتقل کیا گیا تھا جس میں سے دو کی موت راستے میں ہی واقع ہو چکی تھی جبکہ تیسری بچی کی حالت تشویشناک تھی تاہم اسپتال  پہنچنے پر اس نے بھی دم توڑ دیا تھا۔

پولیس اور بچوں کے والد نے بچوں کی ماں  نورین پر شک کا اظہار کیا تھا تاہم نورین   نے ابتدائی بیان میں دعویٰ کیا تھا کہ فلیٹ میں کیڑا مار دوا  لگائی تھی جس سے بچوں کی اموات ہوئیں۔

واقعے کا مقدمہ بچوں کے والد کی مدعیت میں شاہراہ  فیصل تھانے میں درج کیا گیا تھا جس کی تحقیقات کے دوران یہ ثابت ہوا  کہ بچوں کا قتل ماں نے ہی کیا تھا۔

پولیس نے ملزمہ نورین کو باقاعدہ گرفتار کرلیا ہے اور واقعے  کی  مزید تفتیش جا ری ہے۔

The post کراچی: بچوں کی سگی ماں ہی ان کی قاتل نکلی appeared first on .