Zeal News Pakistan First Complete Media Group
ماضی کا مقبول پاکستانی ڈرامہ ’سنگ مر مر‘ کے سیکوئل میں پہلی بار گلوکار عاطف اسلم اداکارہ ہانیہ عامر، کبریٰ خان اور احسن خان کے ساتھ ایکشن میں دکھائی دیں گے۔
سنگ مر مر کو 2016 میں ہم ٹی وی پر نشر کیا گیا تھا، جسے کہانی کی وجہ سے کافی پسند کیا گیا تھا۔
اس ڈرامے کی کہانی پاکستان کے قبائلی علاقہ جات کے خاندان اور وہاں کی رسم و رواج کے گرد تھی، جس وجہ سے شائقین نے اسے بہت سراہا تھا۔
اگرچہ ابھی تک ’سنگ مر مر ‘ کی ٹیم نے ایسی افواہوں پر کوئی وضاحت نہیں کی، تاہم توقع ہے کہ جلد ہی ڈرامے کی ٹیم سیکوئل کی کاسٹ کا اعلان کرے گی۔
سیفی حسن نے بتایا تھا کہ ’سنگ مر مر‘ کو ٹرائلوجی کی صورت میں بنایا جائے گا، جس کے دوسرے حصے ’سنگ محل‘ پر جلد ہی کام شروع کیا جائے گا جبکہ ڈرامے کا تیسرا اور آخری حصہ ’سنگ سیاہ‘ کے نام سے بنایا جائے گا۔
View this post on Instagram
سیفی حسن نے تصدیق کی تھی کہ سیکوئل میں بھی پہلے ڈرامے کی کاسٹ کو رکھا جائے گا، تاہم نئے ڈرامے کی کہانی پہلے سے مختلف ہوگی اور کچھ کردار بھی نئے شامل کیے جائیں گے۔
View this post on Instagram
خیال رہے کہ ’سنگ مر مر‘ کی کاسٹ میں نعمان اعجاز، ثانیہ سعید، میکال ذوالفقار اور کبریٰ خان سمیت دیگر اداکار شامل تھے اور ڈرامے نے متعدد ایوارڈز بھی اپنے نام کیے تھے۔
اب خیال کیا جا رہا ہے کہ رواں سال کے اختتام یا پھر آئندہ سال کے آغاز تک ’سنگ مر مر‘ کے سیکوئل کو نشر کیا جائے گا، تاہم اس حوالے سے کچھ بھی کہنا قبل از وقت ہے۔
The post گلوکار عاطف اسلم کس ڈرامے کے سیکوئل میں نظر آئیں گے؟ appeared first on .
