سجل علی اور بلال عباس کی فلم ‘کھیل کھیل میں’ کی شوٹنگ مکمل

پاکستان کی نامور اداکارہ سجل علی اور اداکار بلال عباس کی آنے والی فلم ‘کھیل کھیل میں’ کی شوٹنگ مکمل ہوگئی۔

نبیل قریشی نے انسٹاگرام پر شیئر کی گئی پوسٹ میں فلم کی شوٹنگ مکمل ہونے سے متعلق بتایا۔

اپنی پوسٹ میں نبیل قریشی نے لکھا کہ الحمداللہ، فلم والا پکچرز کھیل کھیل میں کی شوٹنگ مکمل ہوگئی۔

انہوں نے مزید کہا کہ رکاوٹوں کو مدِنظر رکھتے ہوئے اس فلم کی شوٹنگ کرنا ایک چیلنج تھا۔

 

View this post on Instagram

 

A post shared by Nabeel Qureshi (@nabqur)

نبیل قریشی نے اپنی پوسٹ میں مزید کہا کہ اس فیچر فلم کو 50 روز میں شوٹ کرنا ایک بہت بڑا چیلنج تھا۔

نبیل قریشی نے کہا کہ اس گرم موسم کے دوران اور کورونا وائرس کی ایس او پیز پر عمل کرتے ہوئے اسمارٹ لاک ڈاؤنز اور سفر کرتے ہوئے ہم نے اس بات کو یقینی بنایا کہ اپنے شیڈول کے ساتھ چلیں اور شوٹنگ کو بروقت مکمل کریں۔

انہوں نے کہا کہ بروقت شوٹنگ مکمل ہونے کا سہرا فلم والا پکچرز میں میری ٹیم اور پوری کاسٹ اور عملے کے سر ہے۔

خیال رہے کہ رواں برس فروری میں فلم والا پروڈکشنز کے نبیل قریشی اور فزا علی مرزا نے حال ہی میں اپنی آنے والی فلم ‘کھیل کھیل میں’ کی شوٹنگ شروع کی تھی۔

The post سجل علی اور بلال عباس کی فلم ‘کھیل کھیل میں’ کی شوٹنگ مکمل appeared first on .