چترال (زیل نمائندہ) حالیہ دنوں چترال میں شدید بارشوں کے بعد سیلابی صورت حال اور دریا ؤں میں پانی کا بہاؤ زیادہ ہونے کی وجہ سے نقصانات کے ازالے کے لیے چیف سیکریٹری خیبر پختونخوا ندیم اسلم چوہدری کا چترال میں سیلاب متاثرین کے لیے اعلان کردہ دو ،دو کروڑ کی رقم چترالی عوام کے ساتھ سراسر مذاق او ر قابل افسوس ہے ۔ یہ بات چترال ایکشن کمیٹی کے نمائندوں کی طرف سے چترال پریس کلب میں منعقدہ ایک احتجاجی پریس کانفرنس میں کی گئی ۔ اس موقع پر مقررین جن میں رضیت بااللہ ،شبیر احمد، بشیر احمد،نابیگ ایڈوکیٹ، الطاف گوہر ایڈوکیٹ،شریف حسین اور دوسروں نے اپنے خطاب میں صوبائی حکومت کی طرف سے اعلان کردہ دو ،دو کروڑ بحالی فنڈزکو سیلاب متاثرین اور خصوصاً چترالی عوام کے ساتھ مذاق قرار دیا۔انہوں نے کہا کہ نصف چترال سیلابی ریلوں اور دریا چترال کے بے رحم لہروں کی زد میں آگیا ہے اور اس موقع پر چیف سیکریٹری کا یہ اعلان انتہائی افسوس ناک ہے۔ مقررین نے مزید کہا کہ صوبائی حکومت فوراً ایک بڑے پیکج کا اعلان کرے اور سیلاب متاثرین کی فوری بحالی کے لیے ہرممکن اقدامات اٹھائے جائیں۔ برائے نام علاقے کو آفت زدہ قرار دے کر ایمرجنسی نافذ کرنا کوئی اہمیت نہیں رکھتا،حکومت کو چاہئیے کہ ایمرجنسی بنیادوں پر انفراسٹرکچر کی بحالی کے ساتھ متاثرین سیلاب کی فوری امداد اور بحالی کے لیے کوئی دقیقہ فروگزاشت نہ کی جائے ۔
دیگر موضوعات میں
وزیر اعظم کی محمد بن سلمان سے ملاقات، 5 ارب ڈالر کے سرمایہ کاری پیکج کو جلد مکمل کرنے پر اتفاق
3 ہفتے پہلے
کاروباری ذہنیت کے فروغ کی جانب مثبت قدم؛ چترال میں ابھرتے سی-ای-اوز کا پروگرام اختتام پذیر
21 نومبر 2023
مدک لشٹ چترال میں آعاخان یوتھ اینڈ سپورٹس بورڈ کی طرف سے موسمیاتی تبدیلی کے حوالے سے آگہی واک
2 ستمبر 2023
وادی شغور،چترال میں آغاخان یوتھ اینڈ سپورٹس بورڈ برائے چترال کی طرف سے دو روزہ گرلز گائیڈ کیمپورال کا انعقاد
28 اگست 2023
بشریٰ بی بی کی مبینہ ڈائری سامنے آئی ہے جس میں ہوشربا اور چشم کُشا انکشافات سامنے آئے ہیں
11 اگست 2023