کھلاڑیوں نے شاندار کارکردگی سے قوم کے دل جیت لئے ،عثمان بزدار

وزیراعلیٰ پنجاب سردار عثمان بزدار  نے کہا ہے کہ کھلاڑیوں نے شاندار کارکردگی سے قوم کے دل جیت لئے ہیں۔

اپنے ایک بیان میں وزیراعلیٰ پنجاب سردار عثمان بزدار  نے ورلڈ کپ سیمی فائنل میں رسائی پر قومی کرکٹ ٹیم کو مبارکباد دی ہے۔

عثمان بزدار نے کہا  کہ پوری قوم کو چوتھی فتح مبارک ہو ، بابراعظم اوررضوان نے ایک بار پھر کمال بلے بازی کی۔

وزیراعلیٰ پنجاب نے کہا کہ پاکستانی ٹیم نے بھارت،نیوزی لینڈ،افغانستان کے بعد آج نمیبیا کو چاروں شانے چت کیا۔

انہوں نے کہا کہ پاکستانی کھلاڑیوں نے مسلسل چوتھا میچ جیت کر اپنی برتری برقرا ررکھی، کھلاڑیوں نے ورلڈ کپ میں شاندار کارکردگی سے قوم کے دل جیت لئے ہیں۔

عثمان بزدار کا کہنا تھا کہ ٹی 20ورلڈ کپ میں قومی کھلاڑیوں کی کارکردگی لائق ستائش ہے۔

وزیراعلیٰ پنجاب سردار عثمان بزدار  کا مزید کہنا تھا کہ پاکستانی کرکٹ ٹیم بھرپور اعتماد کے ساتھ کامیابیوں کے سفر کی جانب گامزن ہے، امید ہے کہ اس بار ٹی20ورلڈ کپ پاکستان جیتے گا۔

یاد رہے کہ پاکستان نے مسلسل چوتھے میچ میں کامیابی سمیٹ کر ورلڈکپ ٹی ٹوئنٹی کے سیمی فائنل میں رسائی حاصل کر لی۔

قومی ٹیم ورلڈکپ کے سیمی فائنل میں پہنچنے والی پہلی ٹیم بن گئی ہے ساتھ ہی اب تک کھیلے گئے 7 ورلڈکپ کے سیمی فائنل میں پانچویں بار کوالیفائی کرنے کا اعزاز بھی حاصل کر لیا ہے۔

 واضح رہے کہ ایونٹ میں پاکستان اب تک ناقابلِ شکست ہے، اس نے 4 میچز کھیلے اور چاروں میں کامیابی حاصل کی۔

The post کھلاڑیوں نے شاندار کارکردگی سے قوم کے دل جیت لئے ،عثمان بزدار appeared first on .