نبی اکرم ﷺ کے نام پر ظلم کرنے والوں کو نہیں چھوڑیں گے، وزیر اعظم

وزیر اعظم عمران خان کا کہنا ہے کہ ہم نے فیصلہ کرلیا ہے کہ اب دین کا استعمال اور نبی اکرم ﷺ کے نام پر ظلم کرنے والوں کو نہیں چھوڑیں گے۔

وزیر اعظم آفس میں سری لنکن شہری پریانتھا کمارا کی یاد میں تقریب سے خطاب کے دوران وزیر اعظم نے کہا کہ اخلاقی قوت جسمانی قوت سے زیادہ طاقتور ہوتی ہے، ملک عدنان کی بہادری اور جرات پر ہمیں فخر ہے،  ملک میں رول ماڈل کی بہت ضرورت ہوتی ہے، سیالکوٹ میں پیش آنے والے واقعے کے بارے جس نے بھی سنا ، انہیں احساس ہوا ایک انسان تھا جو حیوانوں سے لڑ رہا تھا۔

متعلقہ خبر : سانحہ سیالکوٹ کے ملزمان کو سخت ترین سزا دلوانے کے احکامات

وزیراعظم نے کہا کہ جسے اللہ نے رحمۃ اللعالمین کا خطاب دیا، وہ مسلمانوں کے لئے نہیں دنیا کے تمام انسانوں کے لیے رحمت بن کر آئے تھے۔ جانوروں میں جنگل کا قانون ہوتا ہے اور انسانوں کے معاشرے میں انصاف ہوتا ہے، معاشرے میں جتنی انسانیت ہوتی ہے وہ معاشرہ اتنا ہی کمزور طبقے کو اٹھاتا ہے۔

متعلقہ خبر :   علماء کرام کا سانحہ سیالکوٹ پر اظہار یکجہتی

وزیر اعظم نے مزید کہا کہ رسول اللہ ﷺ محبت کا پیغام لے کر آئے تھے، ان کا پیغام محبت اور انصاف تھا، ہم نے فیصلہ کرلیا ہے کہ ہم نے اس طرح کے اور واقعات نہیں ہونے دینے۔ اب ہم دین کو استعمال کرنے والوں اور نبی اکرم ﷺ کے نام پر ظلم کرنے والوں نہیں چھوڑیں گے۔

متعلقہ خبر :   انجیلو میتھیوز بھی سانحہ سیالکوٹ پر بول پڑے

وزیر اعظم نے مزید کہا کہ سیالکوٹ کی تاجر برادری نے ایک لاکھ ڈالر پریانتھا کے خاندان کے لئے جمع کیا ہے، پریانتھا کے خاندان کو ساری زندگی تنخواہ دی جائے گی۔

The post نبی اکرم ﷺ کے نام پر ظلم کرنے والوں کو نہیں چھوڑیں گے، وزیر اعظم appeared first on .