ڈپٹی کمشنر اور سیشن جج منڈی بہاؤالدین کے درمیان تنازعے کا ڈراپ سین

ڈپٹی کمشنر منڈی بہاؤالدین اور سیشن جج منڈی بہاؤالدین کے درمیان تنازعے کا ڈراپ سین ہوگیا۔

پنجاب حکومت نے ڈی سی منڈی بہاؤالدین طارق بسرا کو او ایس ڈی بنا دیا۔

چیف سیکرٹری پنجاب نے طارق بسرا کو او ایس ڈی بنائے جانے کے حوالے سے نوٹیفکیشن بھی جاری کر دیا۔

ایڈیشنل کمشنر ریونیو منڈی بہاؤالدین ضیا الحق کو ڈپٹی کمشنر کا اضافی چارج دے دیا گیا۔

قبل ازیں، منڈی بہاؤالدین کنزیومر کورٹ اور ڈسٹرکٹ اینڈ سیشن جج راؤ عبدالجبار نے شہری کی درخواست کی سماعت کے دوران ڈپٹی کمشنر طارق بسرا اور اسسٹنٹ کمشنر منڈی بہاؤالدین امتیاز علی  کو توہین عدالت کا مجرم قرار دیتے ہوئے تین ماہ قید کی سزا سنائی تھی۔

تاہم، گزشتہ روز لاہور ہائیکورٹ نے دونوں مجرمان کی اپیل منظور کرتے ہوئے سزا کو معطل کردیا تھا۔

اپیل کنندگان نے اپنی درخواست میں موقف اختیار کیا تھا کہ کنزیومر کورٹ کا فیصلہ قانون کے برعکس ہے۔

اپیل میں عدلات سے استدعا کی گئی کہ سزا کے خلاف اپیل منظور کرکے سزا کو کالعدم قرار دیا جائے۔

دورانِ سماعت چیف جسٹس لاہور ہوئیکورٹ نے ریمارکس دیئے کہ اگر کوئی عدالت بنا اختیار کے نوٹس لیتی ہے تو اپیل کنندگان اگلے فورم پر جا سکتے ہیں، یہ اس کا بہتر طریقہ ہوتا ہے، آپ دائرہ اختیار کو اگلے فورم پر چیلنج کرتے۔

The post ڈپٹی کمشنر اور سیشن جج منڈی بہاؤالدین کے درمیان تنازعے کا ڈراپ سین appeared first on .