کترینہ کیف اور وکی کوشل شادی کے بعد ممبئی میں جشن منائیں گے

گزشتہ 2 سالوں سے ایک دوسرے کی قربتوں میں گرفتار اداکارہ کترینہ کیف اور اداکار وکی کوشل رواں سال کے ماہ دسمبر میں شادی کرنے کے لئے تیار ہیں۔

اس حوالے سے بھارتی میڈیا نے دعویٰ کیا ہے کہ  یہ جوڑا 7 سے 9 دسمبر کے دوران راجھستان میں شاہانہ انداز سے شادی کے بندھن میں بندھ جائیگا۔

اس شادی کے حوالے سے بھارتی میڈیا کی جانب سے ہر روز نئی بات سامنے آتی ہے جس میں شادی کی تیاریوں، رسم و رواج، رشتے داروں کی فہرست اور کھانے کا انتظام سب شامل ہے۔

اس بار بھارتی میڈیا نے دعویٰ کیا ہے کہ راجھستان میں عالیشان شادی کی تین روزہ تقریبات کے بعد کترینہ کیف اور وکی کوشل ممبئی میں بھی ایک بڑی پارٹی کا اہتمام کرینگے۔

ممبئی میں دی جانے والی اس پارٹی کے حوالے سے بتایا گیا ہے کہ یہ پارٹی ان تمام شخصیات کے لئے منعقد کیا جائیگا جو ان کی شادی میں شرکت نہیں کرسکیں ہونگے۔

دیگر افواہوں کی مطابق یہ جوڑا پہلے کورٹ کے ذریعے شادی کریگا جس کے بعد مکمل  رسم رواج کے مطابق شادی کی تقریبات ایک عالیشان ہوٹل میں انجام پائے گی۔

The post کترینہ کیف اور وکی کوشل شادی کے بعد ممبئی میں جشن منائیں گے appeared first on .