اسکول اسمبلی میں درود شریف پڑھنے کی ہدایت

 سردار عثمان بزدارکی حکومت نے ایک اور احسن ترین اقدام کا اعلان کیا ہے۔

پنجاب کے اسکولوں میں اسمبلی میں خصوصی طو رپر درود شریف پڑھا جائے گا۔

وزیراعلیٰ پنجاب عثمان بزدارکی ہدایت پر چیف سیکرٹری پنجاب کو اسکولوں میں اسمبلی میں درود شریف پڑھنے کے حوالے سے مراسلہ جاری کر دیا گیا۔

اسمبلی میں قومی ترانہ سے قبل تلاوت قرآن پاک کے بعد درود شریف (درود ابراہیمی) پڑھا جائے گا۔

وزیراعلیٰ پنجاب کا کہناہےکہ درو د شریف کے بے پناہ فضائل ہیں، اسکولوں کی اسمبلی میں درود شریف پڑھنے سے نئی نسل بھی اس فضیلت اور برکت سے فیض یاب ہوگی۔

انہوں نے کہاکہ رحمتہ اللعالمین حضرت محمدؐ کی خدمت میں درود شریف پیش کرنا ہر مسلمان کیلئے اعزاز ہے، بارگاہ رسالتؐ میں درود شریف پیش کرنے سے برکات نازل ہوتی ہیں۔

The post اسکول اسمبلی میں درود شریف پڑھنے کی ہدایت appeared first on .