پیرس اولمپکس میں برقی فضائی ٹیکسیاں استعمال ہونے کا امکان

مشہورکارٹون دی جیٹسنز میں دِکھائی گئی اڑتی ٹیکسیاں اب حقیقت میں اڑنے سے چند ہی قدم کے فاصلے پر ہیں اور امکان ظاہر کیا جارہا ہے کہ پیرس میں ہونےوالے 2024 کے اولمپکس میں مداحوں کو پیرس میں سفر کےلیے استعمال کی جاسکتی ہیں۔

فرانسیسی حکام نے اعلان کیا ہے کہ پیرس، شہر کی حدود سے باہر برقی فضائی ٹیکسیوں کا تجربہ شروع کرے گا۔

حکام کے مطابق حتمی مقصد دو فضائی راستوں کی تشکیل ہے تاکہ اولپکس میں ہجوم سے بچا جاسکے۔

کورمیلیس این ویکسن ایئر فیلڈ میں پونٹوائز ٹیسٹ سائٹ کو تجربے کےلیے مختص کیا گیا ہے جہاں تقریباً 30 ٹیکسی ساز ٹیسٹ کریں گے۔

پیرس ایئرپورٹ کے سی ای او آگسٹین ڈی رومنیٹ کا کہنا تھا کہ جو تجربے ہم شروع کررہے ہیں ان کی مثال یورپ میں نہیں ملتی۔

تاہم اڑتی ٹیکسیوں کے متعلق تفصیلات تاحال واضح نہیں ہیں۔ متعدد بڑی فرمز ایئرفیلڈز پر ٹیسٹ کی جائیں گی۔

ان فرمز میں وولو کوپٹر، ایئر بس، ورٹیکل ایرو اسپیس اور اسینڈنس، لیلیم اور جوبی ایوی ایشن سمیت دیگر شامل ہیں۔

The post پیرس اولمپکس میں برقی فضائی ٹیکسیاں استعمال ہونے کا امکان appeared first on .