کورونا وائرس کا نیا ویرینٹ: برطانیہ میں دوبارہ ماسک پہننے کا ‘قانون’

جنوبی افریقہ میں نئے کورونا وائرس ویرینٹ ‘اومیکرون’ کے سامنے آنے کے بعد برطانیہ نے جہاں دیگر پابندیاں نافذ کی ہیں وہیں دکانوں اور سپر مارکیٹس میں منگل سے تمام خریداروں کے لیے ماسک پہننے کو لازمی قرار دے دیا گیا ہے۔

یہ اقدام حکومت کی جانب سے ہفتے کے روز اعلان کیے جانے کے بعد سامنے آیا ہے کہ دکانوں اور سپر مارکیٹس کے ساتھ ساتھ پبلک ٹرانسپورٹ میں بھی ماسک پہننا لازمی ہوگا۔

برطانیہ کے ہیلتھ سیکریٹری ساجد جاوید نے بتایا کہ قواعد پیر کو پارلیمنٹ میں پیش کیے جائیں گے اور منگل کو قانون بن جائیں گے۔

ان کا مزید کہنا تھا کہ اس کے بعد ارکان پارلیمنٹ آئندہ 28 دنوں کے اندر قوانین پر ووٹ دیں گے۔

خیال رہے کہ رواں سال جولائی میں برطانیہ میں چہرے کے ماسک سے متعلق قوانین میں نرمی کی گئی تھی۔

اس حوالے سے برطانوی وزیراعظم بورس جانسن نے ڈاؤننگ اسٹریٹ میں بات کرتے ہوئے کہا تھا کہ چہرے کو ڈھانپنے سے متعلق جو ہم دیکھ رہے ہیں وہ خوردہ اور ٹرانسپورٹ کے شعبے ہیں۔

واضح رہے کہ برطانیہ میں یہ تبدیلی جنوبی افریقی باشندوں سے منسلک کورونا وائرس کے نئے ویرینٹ اومیکرون کے 3 کیسز دریافت ہونے کے بعد سامنے آئی ہیں۔

جس کے بعد برطانیہ نے جنوبی افریقہ، نمیبیا اور بوٹسوانا سمیت 10 ممالک کو سرخ سفری فہرست میں شامل کردیا ہے۔

The post کورونا وائرس کا نیا ویرینٹ: برطانیہ میں دوبارہ ماسک پہننے کا ‘قانون’ appeared first on .