سعودی عرب کا اقاموں، خروج عودہ اور وزٹ ویزے کی مفت توسیع سے متعلق اہم اعلان

سعودی عرب نے اقاموں، خروج عودہ اور وزٹ ویزے میں 31 جنوری تک مفت توسیع دینے کا اعلان کردیا ہے۔

عرب خبر رساں اداروں نے سعودی نیوز ایجنسی کی رپورٹ کے حوالے سے بتایا کہ ایسے ممالک جہاں سے کورونا وبا کے باعث مملکت آمد پر پابندی عائد ہے، وہاں موجود غیر ملکیوں کے اقاموں اور ویزوں میں خودکار نظام کے تحت توسیع ہوجائے گی۔

اس میں کہا گیا کہ سعودی عرب کے فرمانروا شاہ سلمان بن عبدالعزیز کی ہدایت پر اقاموں، خروج و عودہ (ایگزٹ ری انٹری) اور ویزٹ ویزوں میں 31 جنوری 2022  تک توسیع کی گئی ہے اور ساتھ ہی یہ توسیع خود کار نظام کے تحت کسی فیس کے بغیر کی جا رہی ہے۔

رپورٹ میں بتایا گیا کہ ملک کے وزیر خزانہ نے سعودی عرب کی قومی پالیسی کے تحت توسیع پر عملدرآمد کے احکام جاری کیے اور یہ سب کووڈ 19 کورونا وبا کے اثرات سے نمٹنے اور مقامی شہریوں نیز مقیم غیر ملکیوں کی صحت کو مد نظر رکھتے ہوئے مقررہ حفاظتی تدابیر کے تحت کیا جا رہا ہے۔

اس حوالے سے محکمہ پاسپورٹ کا کہنا تھا کہ توسیع کی کارروائی نیشنل انفارمیشن سینٹر کے تعاون سے خودکار نظام کے تحت ہو گی، اس کے لیےغیر ملکیوں کو محکمہ پاسپورٹ کے دفاتر اور نہ  بیرون ملک، سعودی سفارتخانوں یا قونصلیٹس سے رجوع کرنا ہو گا۔

علاوہ ازیں اس سہولت سے وہ غیر ملکی مستثنی ہوں گے جو مملکت سے روانہ ہونے سے قبل ویکسین کی دونوں خوراکیں لے چکے ہوں گے۔

The post سعودی عرب کا اقاموں، خروج عودہ اور وزٹ ویزے کی مفت توسیع سے متعلق اہم اعلان appeared first on .