جنوبی افریقن گولفر تھرسٹن لارینس بھی کورونا کے نئے ویرئینٹ سے خوف ذدہ

جنوبی  افریقہ سے تعلق رکھنے والے ماہر گولفر تھرسٹن لارینس بھی کورونا کےنئے ویرئینٹ خوف زدہ نظر آ رہے ہیں۔

گولفر تھرسٹن لارینس نے آج ہی چند گھنٹوں پہلے جوبرگ اوپن گولف چمئین شپ کی چمچماتی ٹرافی اپنے نام کی ہے۔

غیرملکی میڈیا کے مطابق تھرسٹن نے خراب موسم سے متاثر ہونے والے جوبرگ اوپن گولف کے مقابلوں میں 11 انڈر کے اسکور سے جیت اپنے نام کی ہے۔

تھرسٹن لارینس نے جیت کے بعد اپنے ایک انٹرویو میں کہا کہ کورونا وائرس کی نئی لہر نے مجھے جھنجوڑ کر رکھ دیا ہے۔ اگر صورتحال مزید خراب ہوتی ہے تو پھر کھیلوں کے میدان ایک بار پھر ویران ہو جائیں گے۔

لارینس کا کہنا تھا کہ کورونا وائرس کی نئی لہر سے متعدد گولفرز مستقبل کے گولف ٹورنامنٹس میں نظر نہیں آئیں گے۔ انہوں نے کہا کہ سفری پابندیوں سے مزید حالات خراب ہوں گے اور گولفرز کو مالی نقصانات کا سامنا کرنا پڑے گا۔

گولفر تھرسٹن لارینس  نے مزید کہا کہ میں ایسے کئی بین الاقوامی گولفرز کو جانتا ہوں جو اس وقت اپنے کیرئیر کے اختتام کی طرف بڑھ رہے ہیں ، اور اگر دنیا واپس لاک ڈاؤن کی طرف جاتی ہے تو پھر بیشتر گولفرز گولف سے رٹائرمنٹ لے لیں گے۔

The post جنوبی افریقن گولفر تھرسٹن لارینس بھی کورونا کے نئے ویرئینٹ سے خوف ذدہ appeared first on .