امیتابھ بچن کا اپنے ڈیجیٹل اثاثے نیلام کرنے کا فیصلہ

بالی ووڈ کے سپر اسٹار امیتابھ بچن نے اپنے ڈیجیٹل اثاثے نیلام کرنے کا فیصلہ کیا ہے۔

امیتابھ بچن بھارت کی پہلی شوبز شخصیت ہیں جو نان فن جیبل ٹوکن (این ایف ٹی ) پر اپنے ماضی کی بنائی ہوئی کچھ یادگار چیزیں فروخت کریں گے۔

اداکار امیتابھ کا کہنا ہے کہ این ایف ٹی میرے مداحوں کو موقع دے گا کہ وہ میری زندگی کے یادگار لمحات میں استعمال میں رہنے والی چیزوں کے مالک بن سکیں۔

امیتابھ بچن کے ورچوئل اثاثوں کی نیلامی میں ان کے فلمی ڈائیلاگز کی آڈیو، شاعری اور فلموں کے پوسٹر اور تصاویر شامل ہوں گی۔

یہ نیلامی تین دن تک عالمی سطح پر بولی لگانے والوں کے لئے کھلی ہوگی، جو بدھ کی شام ساڑھے 6 بجے ختم ہوجائے گی۔

امیتابھ بچن کے بعد بالی ووڈ کے کئی سپر اسٹار بشمول سلمان خان اور کرکٹ ٹیم کے کھلاڑی رشبھ پنت بھی این ایف ٹی کے ساتھ معاہدہ کرنے کی منصوبہ بندی کررہے ہیں۔

واضح رہے کہ حالیہ مہینوں میں این ایف ٹی کی منفرد ڈیجیٹل اشیاء جیسے ڈرائنگ یا اینیمیشن کی مقبولیت میں اضافہ ہوا ہے۔

The post امیتابھ بچن کا اپنے ڈیجیٹل اثاثے نیلام کرنے کا فیصلہ appeared first on .