قومی کرکٹ ٹیم کے وکٹ کیپر بیٹسمین محمد رضوان نے کہا ہے کہ اصغر افغان نے افغانستان کی ٹیم میں اہم کردار ادا کیا ہے۔
تفصیلات کے مطابق قومی کرکٹ ٹیم کے وکٹ کیپر بئٹسمین محمد رضوان نے سماجی رابطے کی ویبسائٹ ٹویٹر پر افغانستان کرکٹ ٹیم کے سابق کپتان اصغر افغان کے آخری میچ کے وہ مناظر سوشل میڈیا پر شیئر کیے جس میں ٹیم کی جانب سے اُنہیں خراجِ تحسین پیش کیا گیا۔
Asghar Afghan is indeed one of those few cricketers who played a key role for Afghanistan team. He along with @MohammadNabi007, Nawroz Mangal and others started something gigantic for cricket in the country. More power to you my brother. Lots of prayers for your second innings. pic.twitter.com/Wor4KfCXaF
— Mohammad Rizwan (@iMRizwanPak) October 31, 2021
قومی کرکٹر نے تصاویر شیئر کرتے ہوئے اپنے ٹوئٹ میں لکھا کہ اصغر افغان درحقیقت ان چند کرکٹرز میں سے ایک ہیں جنہوں نے افغانستان کی ٹیم کے لیے کلیدی کردار ادا کیا۔
اُنہوں نے کہا کہ اصغر افغان نے محمد نبی، نوروز منگل اور دیگر افغان کرکٹرز کے ساتھ مل کر اپنے ملک میں کرکٹ کے لیے اہم کردار ادا کیا۔ ہے۔
آخر میں محمد رضوان نے اصغر افغان کے لیے نیک خواہشات کا اظہار بھی کیا۔
واضح رہے کہ اصغر افغان نے گزشتہ روز کھیلے جانے والے اپنے کیرئیر کے آخری انٹرنیشل میچ کے بعد انٹرویو دیتے ہوئے انکشاف کیا تھا کہ انہوں نے بین الاقوامی کرکٹ سے اچانک ریٹائرمنٹ کا فیصلہ کیا کیونکہ پاکستان سے ہارنے پر بہت زیادہ تکلیف ہوئی۔
The post اصغر افغان نے افغانستان کی ٹیم میں اہم کردار ادا کیا،محمد رضوان appeared first on .