اداکار نصیرالدین شاہ کا  عرفان خان سے متعلق اہم انکشاف

بھارتی اداکار نصرین الدین شاہ نے انکشاف کیا ہے کہ اداکار عرفان خان اپنی موت سے 2 سال پہلے سے جانتے تھے کہ ان کے ساتھ یہ ہونے والا ہے۔

نصیر الدین شاہ نے حالیہ انٹرویو کے دوران بتایا کہ عرفان کہتے تھے میں یہ دیکھ رہا ہوں کہ موت میرے قریب آرہی ہے اور یہ موقع کتنے لوگوں کے پاس آتا ہوگا ۔

انہوں نے کہا کہ عرفان خان کا جانا ایک نقصان ہے لیکن یہ سب ہمارے ہاتھوں میں نہیں ہے۔

اداکار نے کہا کہ آپ کے جسم کے اعضاء کام کرنا چھوڑتے ہیں اور یہ سب آپ کے اختیار میں بھی نہیں ہوتا۔

اداکار نے بتایا کہ میں نے متعدد مرتبہ عرفان خان سے فون پر بات کی ہے حتیٰ کہ اس وقت بھی جب وہ لندن کے اسپتال میں تھے۔

انہوں نے کہا کہ یہ ایک حیرت انگیز تھا اور حقیقی سبق تھا کہ کس طرح عرفان نے اس صورتحال کا سامنا کیا۔

واضح رہے کہ اپریل 2020 میں کینسر کے مرض کے باعث انتقال کر جانے والے عرفان خان نے نصیرالدین شاہ کے ساتھ بڑے پردے پر کام کیا ہے۔

The post اداکار نصیرالدین شاہ کا  عرفان خان سے متعلق اہم انکشاف appeared first on .