کووڈ-19 کے پھیلاؤ کو کم کرنے والی چیونگ گم

ایک نئی تحقیق میں انکشاف کیا گیا ہے کہ ایک انوکھی چیونگ گم کووِڈ کا پھیلاؤ کم کرنے میں مؤثر ثابت ہوسکتی ہے۔

یونیورسٹی آف پینسلوینیا، دی وِسٹر انسٹیٹیوٹ اور فرانہوفر یو ایس اے کے محققین کی مشترکہ کاووشوں سے یہ بات معلوم ہوئی ہے کہ ایک انوکھی چیونگ گم جس میں ایک پودے کا پروٹین ہے، کووِڈ وائرس کو پکڑ سکتا ہے یعنی تھوک میں وائرس کے لوڈ ہونے اور کووڈ کی منتقلی کو کم کرسکتا ہے۔

جرنل مولیکیولر تھیراپی میں شائع ہونے والی یہ تحقیق عالمی وباء کے خلاف مؤثر ہتھیار ثابت ہوسکتی ہے۔

تحقیق کے سربراہ ہینری ڈینیئل کا کہنا تھا کہ سارس-کوو-2 تھوک کے غدود میں دوبارہ پیدا ہوجاتا ہے اور یہ بات ہم جانتے ہیں کہ جو بھی اس وائرس متاثر ہوجب وہ چھینکتا،کھانستا یا بات کرتا ہے تو کچھ وائرس باہر نکل کر دوسرے تک پہنچ سکتےہیں۔ یہ گَم تھوک میں موجود وائرس کو ختم کرتی ہے، جو ہمیں کووڈ منتقلی کا بنیادی ذریعہ ختم کرنے کا راستہ دیتی ہے۔

اگرچہ کووڈ-19 کی ویکسی نیشنز  نے بیماری کے سبب ہونے والی اموات اور اسپتالوں میں داخلے بڑی حد تک کم کیے ہیں، تاہم بیماری کی منتقلی ختم نہیں ہو سکی ہے۔ جو لوگ مکمل ویکسین شدہ ہیں وہ بھی دوبارہ بیماری سے متاثر ہوسکتے ہیں۔

مزید یہ کہ حالیہ تحقیق سے معلوم ہوا ہے کہ وہ لوگ جو مکمل ویکسین شدہ ہیں ان لوگوں تک وائرس لے جا سکتے ہیں جو ویکسین شدہ نہیں ہیں۔

The post کووڈ-19 کے پھیلاؤ کو کم کرنے والی چیونگ گم appeared first on .