پنجاب کا اگلا وزیراعلیٰ کون ہوگا؟ بلاول کی پیشگوئی

 بلاول بھٹو کا کہنا ہےکہ پنجاب کا اگلا وزیراعلیٰ پاکستان پیپلزپارٹی سے ہوگا۔ 

پاکستان پیپلزپارٹی کے چیئرمین بلاول بھٹو زرداری نے این اے 133 کے ضمنی انتخابات کے حوالے سے لاہور کے عوام کا شکریہ ادا کرتے ہوئے کہاکہ انتخابی مہم میں متحرک تمام جیالوں اور تنظیم کے عہدیداران کو شاباش دیتا ہوں۔

انہوں نے کہاکہ پاکستان پیپلزپارٹی نے لاہورمیں ایک نئی کروٹ لی ہے، اگلا دور پی پی پی کا ہوگا، این اے 133 کا ضمنی انتخاب نے یہ بھی ثابت کیا کہ پاکستان پیپلزپارٹی وفاقِ پاکستان کو جوڑنے والی پارٹی ہے۔

 بلاول بھٹو زرداری نے کہاکہ لاہور سے کراچی اور کوئٹہ سے پشاور تک پاکستان پیپلزپارٹی ایک زندہ حقیقت ہے۔

سابق وزیراعظم راجہ پرویزاشرف کا کہنا ہےکہ ہماری کارکردگی میں بہتری آئی ہے۔

انہوں نے زمید کہا کہ پیپلزپارٹی کے ووٹوں میں اضافہ ہوا ہے۔ پیپلزپارٹی پورے پنجاب میں دوبارہ بحال ہوگی۔

حلقہ این اے 133 میں مسلم لیگ ن کی کامیابی

مسلم لیگ (ن) نے لاہور کے حلقہ این اے 133 کا معرکہ سر کرلیا۔

، کامیابی کے بعد ن لیگی رہنماؤں کی جانب سے مبارکباد کے پیغامات کا سلسلہ جاری ہے۔

پاکستانی پارلیمان میں قائدِ حزبِ اختلاف اور مسلم لیگ (ن) کے صدر شہباز شریف نے این اے 133 ضمنی انتخاب میں کامیابی پرعوام اور پارٹی رہنماوں کو مبارکباد دیتے ہوئے کہا کہ حلقہ کے عوام نے ہمیشہ کی طرح ن لیگ پر اعتماد کا اظہار کیا ہے۔

شہبازشریف نے مزید کہا کہ ن لیگ ہمیشہ کی طرح عوام کے اعتماد پر پورا اترے گی۔

The post پنجاب کا اگلا وزیراعلیٰ کون ہوگا؟ بلاول کی پیشگوئی appeared first on .